АБНА24 Хәбәр Верир, бу барәдә мәлумат Ағ Евин сајтында ҹанлы олараг јајымланыб. Трамп мәтбуат конфрансынын башланғыҹында чыхыш едәркән тәһлүкәсизлик хидмәтинин әмәкдашы онун гулағына нә исә пычылдајыб. Бундан сонра президент мүһафизәчиләрлә бирликдә бинаны тәрк едиб. Гејд едәк ки, америкалы лидер бир гәдәр сонра брифинг залына гајыдыб вә Ағ Ев јахынлығында атышма баш вердијини билдириб. Ағ Ев мәсәлә илә бағлы һәләлик бир ачыглама вермәјиб. Трампы мүшајиәт едән журналистләр брифингин кечирилдији отағын гапысында полис ҝөрдүкләрини билдирибләр. “Ағ Евин јахынлығында атышма баш вериб, вәзијјәт нәзарәтдәдир. Еффектив иш ҝөрдүјүнә ҝөрә мәхфи хидмәтә тәшәккүр едирәм. Бир нәфәри хәстәханаја чатдырыблар, онун вәзијјәти барәдә мәлуматсызам”, - дејә Трамп гејд едиб вә билдириб ки, хәстәханаја јерләшдирилән шәхс мәхфи хидмәт тәрәфиндән јараланыб.
342/
