АБНА24 Хәбәр Верир, Ливанын пајтахты Бејрут шәһәриндә һөкумәтә гаршы етираз аксијалары заманы 728 нәфәр хәсарәт алыб, 19 етиразчы сахланылыб. Бундан әввәл 70-и полис әмәкдашлары олмагла 490 нәфәрин хәсарәт алдығы билдирилмишди. Ән сон мәлумата ҝөрә Бејрутун мәркәзи һиссәләриндә күтләви иғтишашлардан сонра нисби сакитлик јараныб, вәзијјәт нормаллашмаға башлајыб. Бу барәдә Ливанын “Лебанон 24” телеканалы мәлумат јајыб. Гејд едәк ки, Бејрутда минләрлә инсан һөкумәтин истефасы вә ислаһатлар тәләби илә күчәләрә чыхараг һөкумәт әлејһинә митингләрә башлајыблар. Етиразчылар пајтахт лиманында баш верән партлајышла әлагәдар бејнәлхалг арашдырма апарылмасыны тәләб едирләр. Нүмајишчиләр арасында чох сајда ҝәнҹ, гадын вә ушаглар да вар. Даһа сонра етиразчыларла һүгуг-мүһафизә органларынын әмәкдашлары арасында тоггушмалар баш вериб.
342/
