АБНА24 Хәбәр Верир, Мәһәммәд Ҹавад Зәриф дүнән ҝеҹә твиттер-дә бу барәдә мәлумат пајлашыб. Мәһәммәд Ҹавад Зәриф твиттер-дә билдириб ки, Русија Думасынын хариҹи әлагәләр комитәсинин сәдри Леонид Слутски илә Теһранда кечирдији ҝөрүш олдугҹа конструктив олубдур. О, гејд едиб ки, бу ҝөрүш, онун ики һәфтә бундан өнҹә Москвада Русија рәсмиләри илә апардығы мүһүм данышыгларын изләнилмәси истигамәтиндә кечирилибдир. Иран хариҹи ишләр назири Мәһәммәд Ҹавад Зәриф базар ҝүнү Теһранда Русија Думасынын хариҹи әлагәләр комитәсинин сәдри Леонид Слутски илә ҝөрүшдә Иран-Русија узунмүддәтли әмәкдашлыгларынын стратежи мүнасибәтләр сәвијјәсинә галдырылмасы вә јениләнмәсини вурғулады. Слутски дә коронавирус пандемијасы шәраитиндә Теһрана сәфәр мәгсәдинин ики өлкә арасындакы мүһүм мөвзулардан, һәмчинин әлагәләр сәвијјәсиндән гајнагландығыны билдирибдир.
342/
