АБНА24 Хәбәр Верир, Пакистанын баш назири Иран вә Сәудијјә Әрәбистаны арасында бирбаша силаһлы гаршыдурманы реҝион үчүн ән пис ссенари адландырды. Пакистанын баш назири Имран Хан Әл-Ҹәзирә каналына вердији мүсаһибәдә Исламабадын вар ҝүҹү илә Иран вә Сәудијјә Әрәбистаны арасында силаһлы тоггушманын баш вермәсинә мане олмаға чалышдығыны вә бу ишдә уғур газандығыны иддиа едиб. Имран Хан Пакистанын Теһран вә Әр-Ријад арасындакы васитәчи миссијасынын һәлә дә давам етдијини дејәрәк, бу васитәчилијин чох јаваш ирәлиләјишә малик олдуғуну сөјләјиб. Имран Хан даһа сонра Пакистанын Түркијә илә әлагәләрин бүтүн саһәләр үзрә инкишаф етдирилмәсиндә мараглы олдуғуну дејиб. Јәмән мүһарибәсинә дә ишарә едән Пакистанын баш назири Јәмәнин һәгиги бир "инсан фаҹиәси" илә үзләшдијини вә бу өлкәнин тамамилә мәһв олмаг астанасында олдуғуну сөјләјиб. Имран Хан даһа сонра Һиндистан мүсәлманларынын дурумуна ишарә едәрәк, онларын сојгырымына мәруз галдыгларыны дејиб.
342/
