АБНА24 Хәбәр Верир, буну Ливанда чыхан Рај Әл-Јәум гәзети јазыб. Гәзет јазыр: Исраил режими 27 ијул тарихиндә Шәба зәмиләри истигамәтиндә бир груп сионист режим һәрбчиси илә Һизбуллаһ мүбаризләри арасында тоггушманын баш вермәсинә даир иддиа илә ҝүндәми гарышдырмаға чалышды. Рај Әл-Јәум јазыр: Илк башда сионист режимин баш назири Бенјамин Нетанјаһу Исраилин шимал сәрһәдләриндә "мүрәккәб бир һадисә" јашандығыны иддиа етди. Ардынҹа сионист даирәләр вә медиалар зиддијјәтли хәбәрләр јајмаға башладылар. Бу медиалар мәлуматлары Исраилин һәрби гајнагларындан әлдә едирдиләр. Нетанјаһу бу гондарма вә сүни бөһран илә Исраил иҹтимаијјәтинин диггәтини өзүндән вә дахили бөһрандан јајындырмаға чалышмышды. Сионист режимин баш назири Исраил һәрбчиләри илә Һизбуллаһ арасында силаһлы тоггушманын баш вермәсинә даир јалан информасијалар јајмагла диггәтләри дахили бөһрандан гондарма хариҹи бөһрана чәкмәк, иҹтимаи тәзјигләрдән хилас олмаг истәјирди. Белә ки, ишғал олунмуш әразиләрдә коронавирусун јајылмасынын ардынҹа игтисади вә иҹтимаи проблемләр дә сүрәтлә артмаға, ҹинајәт һаллары чохалмаға башлајыб. Бу да Нетанјаһу әлејһинә дахили етиразларын ҝенишләнмәси илә нәтиҹәләниб. Амма, Нетанјаһунун бу иддиасына рәғмән Ливан Һизбуллаһынын "сүкут" тактикасындан истифадә етмәси вә һеч бир реаксија вермәмәси Нетанјаһунун чашгынлығына сәбәб олду. Санки, сионист дүшмәнин "хәјали гүввәләр" илә савашыны кәнардан изләјән Ливан Һизбуллаһынын башчысы Сејид Һәсән Нәсруллаһ вә Һизбуллаһ команданлары Нетанјаһунун чабаларына ришхәндлә ҝүлүрдүләр. Белә ки, Һизбуллаһын "сүкут" тактикасы Нетанјаһу вә Исраил ордусунун команданларыны даһа да гыҹыгландырыр вә онлар тәзадлы фикирләр сәсләндирмәклә өзләрини ифша едирдиләр. Бу арада Ливан Һизбуллаһы өз гүввәләринин ишғал едилмиш Фәләстин әразиләринә дахил олмасы вә сионист дүшмән илә тоггушмасына даир хәбәрләрин јалан олдуғуна даир дә бир бәјанат јајыб.
342/
