АБНА24 Хәбәр Верир, Иранын хариҹи ишләр назири Гәрб өлкәләринин әкс-ингилабчы террор груплашмаларына дәстәкләринин дајандырылмасынын ваҹиблијини вурғулајыб. Мәһәммәд Ҹавад Зәриф билдириб ки, террорчулар Америка вә Авропадакы сығынаҹагларындан Иранда сивил инсанлары өлдүрмәк вә чахнашма јаратмагла мәшғулдурлар. Зәриф дүнән ахшам өз твиттер сәһифәсиндә, АБШ башда олмагла Гәрб дөвләтләринин, Иран Ислам Республикасыны девирмәк нијјәтиндә олан террорчулары һимајә етмәләринә тохунуб. Иранын хариҹи ишләр назири даһа сонра јазыб: Террорчулар Америка вә Авропадакы сығынаҹагларындан нифрәт јајыр, гәтл вә ҹинајәт төрәтмәклә чахнашма јаратмаға чалышыр, Иранда ҝүнаһсыз инсанларын гәтлә јетирилмәсинин мәсулијјәтини там һәјасызлыгла гәбул едирләр. Гәрб өлкәләринин, Иран әлејһинә тәхрибатчылыгла мәшғул олан террор груплашмаларынын адыны тәмизә чыхартмаг үзрә сәјләринә тохунан Иранын дипломатија апаратынын башчысы сонра јазыб: Һијлә вә фырылдагчылыг ријакарлығы өрт-басдыр едә билмәз. Иранын Тәһлүкәсизлик Назирлији дүнән билдириб ки, Америкадан Иранда тәхрибатчылыг вә силаһлы әмәлијјатлары истигамәтләндирән «Тондәр» террор групунун башчысы Ҹәмшид Шармәһд мүрәккәб бир әмәлијјатда Иранын тәһлүкәсизлик гүввәләри тәрәфиндән һәбс олунуб.
342/
