АБНА24 Хәбәр Верир, нин мәлуматына ҝөрә Фарснјус-ун мүхбири "Тондәр" адлы террор дәстәсинә башчылыг едән шәхсин Иранын тәһлүкәсизлик гүввәләри тәрәфиндән әлә кечирилдијини билдириб. Бу мәлумата ҝөрә, АБШ-дан Ирандакы террор актлары вә тәхрибатчы һәрәкәтләри истигамәтләндирән "Тондәр" адлы террор дәстәсинин башчысы Ҹәмшид Шармәһд мүрәккәб бир әмәлијјатын сонунда Иранын тәһлүкәсизлик гүввәләринин әлинә кечиб. Шармәһд 12 ил өнҹә Ширазын "Сејјид Әш-Шүһәда" һүсејнијәсиндә партлајышын төрәдилмәсини планлашдырмышды. Бу террор актында 14 нәфәр шәһид олмуш, 215 нәфәр исә хәсарәт алмышды. "Тондәр" террор груплашмасы сон илләрдә дә Иранда бир нечә террор актыны планлашдырыб, һәјата кечирмәјә чалышыб. Ширазын Сивәнд су бәндинин партладылмасы, Теһранда Бејнәлхалг Китаб Јармаркасында кимјәви бомбадан истифадә илә террор актынын төрәдилмәси вә Иран Ислам Республикасынын баниси Имам Хомејни(рә)-ин мәгбәрәсини партлатмаг бу планлардан олуб. Бүтүн бу террор актлары Иранын тәһлүкәсизлик гүввәләринин сәјләри нәтиҹәсиндә зәрәрсизләшдирилиб.
342/
