АБНА24 Хәбәр Верир, Лоуренс Броерс бунун сәбәбләриндән биринин Азәрбајҹанла Ермәнистан сәрһәдиндә баш верән сон һадисәләр олдуғуну дејиб. Ејни заманда онун сөзләринә ҝөрә, тәрәфләр мүнагишәнин низамланмасынын әсас принсипләринә даир сәнәддән дә узаглашырлар. Онун фикриҹә инди реал тәһлүкә бундан ибарәтдир ки, Азәрбајҹанла Ермәнистан арасында данышыглар кәсилә биләр. Аналитик гејд едиб ки, әсас принсипләр 10 илдән чохдур мүзакирә олунурду. Бунлар Дағлыг Гарабағ әтрафындакы әразиләрин Азәрбајҹанын нәзарәтинә гајтарылмасыны, Дағлыг Гарабаға аралыг статусун верилмәсини, тәһлүкәсизлик тәминатыны вә өзүнүидарәетмәни, Ермәнистанла Дағлыг Гарабағы бирләшдирән дәһлизи вә реҝионун јекун һүгуги статусунун референдумла мүәјјән едилмәсини , мәҹбури көкүнләрин гајытмасыны, бејнәлхалг тәһлүкәсизлик тәминатыны нәзәрдә тутурду. О гејд едиб ки, ҹидди данышыгларын бәрпа едилмәсинә даир һәләлик һеч бир әламәт јохдур. Үстәлик Ермәнистандакы “мәхмәри ингилабдан” сонра тәмас хәттиндә ики илә јахын мисли ҝөрүнмәмиш стабиллик јаранса да данышыгларда ирәлиләјиш олмады.
342/
