АБНА24 Хәбәр Верир, АБШ-ын ики гырыҹы тәјјарәсинин имам Хомејни адына бејнәлхалг һава лиманындан Бејрута учан Маһан авиаширкәтинә мәхсус сәрнишин тәјјарәсинә Сурија үзәриндә тәһлүкәли јахынлашмасынын ардынҹа, пилотун бу тәҹавүзкар гырыҹыларла тоггушмасын дејә, сүрәтли маневри нәтиҹәсиндә бир нечә сәрнишин хәсарәт алыб. Иранын баш прокурору Мәһәммәд Ҹәфәр Мүнтәзири бу ҝүн хариҹи ишләр назири Мәһәммәд Ҹавад Зәрифә үнванладығы мәктубда, АБШ-ын бу террор һәрәкәтинин бејнәлхалг һүгуг нормалары вә принсипләринә зидд олдуғуну хатырладараг, АБШ рәсмиләринин тәхрибатчы һәрәкәтләринә гәтијјәтли вә ибрәтамиз ҹаваб вермәк, һәмчинин милли вә бејнәлхалг сәвијјәдә онунла мүбаризә апармаг үчүн бу мәсәләнин мүхтәлиф һүгуги, мәһкәмә вә сијаси мүстәвиләрдә ҹидди шәкилдә галдырылмасынын ваҹиблијини вурғулајыб. Иранын баш прокурору гејд едиб ки, иҹрачы органлар, о ҹүмләдән Иран Мүлки Авиасија Тәшкилаты вә Маһан Авиасија Ширкәти Чикаго мүаһидәсинин 13 вә 17-ҹи әлавә маддәләринин иҹрасы саһәсиндә Сурија һөкумәти вә Бејнәлхалг Мүлки Авиасија Тәшкилат ИКАО илә әмәкдашлыг едиб, гыса мүддәтдә 1152 сајлы Теһран-Бејрут рејсинин тәһлүкәсизлијинә гаршы төрәдилән һадисәнин арашдырылмасынын нәтиҹәләринә даир һесабаты алыб, Чикаго мүаһидәсинә әсасән, лазыми һүгуги тәдбирләр ҝөрмәлидирләр. Бундан әввәл Иранын Мүлки Авиасија Тәшкилаты АБШ гырыҹыларынын Иранын сәрнишин тәјјарәсинә гаршы тәхрибатыны бејнәлхалг һүгуг нормалары вә авиасија стандартларынын позулмасынын бариз нүмунәси олдуғуну билдириб, өзүнүн ҹидди нараһатлығыны рәсмән Бејнәлхалг Мүлки Авиасиај Тәшкилатынын диггәтинә чатдырыб вә тәҹили онун арашдырылмасыны чағырыб.
342/
