АБНА24 Хәбәр Верир, БМТ-нин инсан һаглары офисинин сөзчүсү Лиз Труссел деjиб ки, Америкада динҹ аксиjачыларын һәбс олунмалары һагдакы мәлуматлар нараһатлыг доғурур. Труссел билдириб ки, Америкада анти-расист аксиjаларда һәбс олунанлар ганун нәзарәтиндән кәнарда гәрар тапырлар ки, бу мәсәлә өзбашына һәбсләрин вә диҝәр инсан һаглары позунтуларынын артмасына сәбәб ола биләр. АБШ-ын әдлиjjә назирлиjи дүнән билдириб ки, федерал мәмурларын Портленд аксиjачыларына гаршы зоракы һәрәкәтләри барәдә тәһгигат апараҹаг. Геjд олунан ҝеҹә чахнашмаларында Портлендин мери Тед Вилер ҝөзjашардыҹы газла һүҹума мәруз галмышды. Федерал тәһлүкәсизлик гүввәләри АБШ президентинин ҝөстәриши илә бу ишә әл атмышдылар. Маjын 25-дә ағдәрили америкалы полис забити Ҹорҹ Флоjд адлы афроамерикалыны Миннесота штатынын Миннеаполиг шәһәриндә фаҹиәли сурәтдә гәтлә jетирди. О замандан бәри Америка шәһәрләри бу өлкә полисинин расист һәрәкәтләринә гаршы аксиjаларын шаһидидирләр.
342/
