АБНА24 Хәбәр Верир, Иран Ислам Шурасы Мәҹлисинин Милли Тәһлүкәсизлик комиссиjасынын мәтбуат катиби Әбулфәзл Әмуjи дүнән бир нечә депутатын Иранын мәркәзиндә jерләшән Нәтәнз вә Теһранын ҹәнубундакы Фордо нүвә тәсисатларындан бахыш кечирмәсинә тохунуб. Әбулфәзл Әмуjи геjд едиб ки, Иранын нүвә алимләринин сәjләри илә "ИР 6", "ИР 8", "ИР 9" типли jени нәсл сентрифугаларын арашдырылмасы вә ҝенишләндирилмәси просеси давам етдирилир". Ә.Әмуjи, һәмчинин Нәтәнз гәзасына ишарә едәрәк, әлавә едиб: "Нәтәнз нүвә саjтында уранын сафлашдырылмасы ишләри кечмишдә олдуғу кими давам етдирилир вә бу гәза саjтын фәалиjjәтләринә һеч бир хәләл ҝәтирмәjиб". Иран Ислам Шурасы Мәҹлисинин Милли Тәһлүкәсизлик вә Хариҹи Сиjасәт комиссиjасынын мәтбуат катиби депутатларын ҝөрүш заманы өлкәнин нүвә наилиjjәтләринин горунмасы вә инкишаф етдирилмәси мәгсәдилә Иран Ислам Республикасынын Нүвә Енержиси Тәшкилаты илә әмәкдашлыг етмәjә һазыр олдугларыны бәjан етдикләрини ачыглаjыб. Геjд едәк ки, иjулун 2-дә Иранын мәркәзиндә jерләшән Нәтәнз нүвә саjтынын уранын зәнҝинләшдирилмәси комплексләринин бириндә гәза баш вериб.
342/
