АБНА24 Хәбәр Верир, Иран Ислам Республикасы президент апараты башчысынын әлагәләр вә информасиjа мәсәләләри үзрә мүавини Әлиреза Моеззи деjиб: Ирагын баш назири Мустәфа Әлказиминин Иран Ислам Республикасынын президенти Һәсән Руһани тәрәфиндән рәсми сурәтдә гаршыланмасы мәрасиминдән сонра дәрһал ики өлкәнин рәсми һеjәтләри икитәрәфли данышыглара башлаjаҹаглар. Иран Ислам Республикасы президент апараты башчысынын әлагәләр вә информасиjа мәсәләләри үзрә мүавини сөjләjиб: Иран вә Ираг һеjәтләринин икитәрәфли мүзакирәләриндән вә Әлказиминин Руһани илә хүсуси иҹласындан сонра Иранын биринҹи витсе-президенти Есһаг Ҹәһанҝиринин иштиракы илә ики өлкәнин jүксәк сәвиjjәли һеjәтләринин мүзакирәләри кечириләҹәк. Иран Ислам Республикасы президент апараты башчысынын әлагәләр вә информасиjа мәсәләләри үзрә мүавининин сөзләринә ҝөрә, Ирагын баш назири Ирана икиҝүнлүк сәфәриндә һәмчинин Ислам Ингилабынын Бөjүк Рәһбәринин ҝөрүшүнә ҝедәҹәк вә Иран Ислам Шурасы Мәҹлисинин сәдри илә ҝөрүшәҹәкдир. Ирагын баш назирини Ирана сәфәрдә бу өлкәнин хариҹи ишләр, нефт, електрик, малиjjә, мүдафиә вә сәһиjjә назирләри, еләҹә дә Ирагын милли тәһлүкәсизлик мүшавири мүшаjиәт едирләр.
342/
