АБНА24 Хәбәр Верир, Иран Ислам Республикасы Хариҹи Ишләр Назирлиjинин сөзчүсү Сеjид Аббас Мусави, бу ҝүн (Базар ертәси) Суриjа парламент сечкиләринин мүвәффәгиjjәтлә кечирилмәсиндән мәмнунлуғуну ифадә едәрәк әлавә етди: “Бу сечкиләр елә бир шәраитдә кечирилиб ки, Суриjа халгы ағыр вәзиjjәтдәдир вә Терроризм, хариҹи ишғалчы гүввәләрин олмасы вә әдаләтсиз биртәрәфли санксиjалар уҹбатындан чох әзиjjәт чәкир.” Мусәви вурғулады: Иран Ислам Республикасы, Суриjадакы парламент сечкиләринин, Суриjа-Суриjа сиjаси диалог просесиндә сүлһ, сабитлик вә тәрәгги истигамәтиндә мүсбәт бир аддым олаҹағына вә Суриjа халгынын изтирабларыны jүнҝүлләшдирәҹәjинә үмид едир. Суриjада парламент сечкиләри базар ҝүнү 15 сечки даирәсиндә кечирилиб, 250 jер уғрунда 200 гадын да дахил олмагла 1665 намизәд рәгабәт апарыб. Суриjада Коронавирусун башламасы сәбәбиндән сечки ики дәфә тәхирә салыныб, лакин дүнән 14 әjаләтдәки 15 сечки даирәсиндә (Һәләб әjаләтиндә ики сечки даирәси jарадылды) протоколлара уjғун олараг кечирилди.
342/
