АБНА24 Хәбәр Верир, БМТ-нин баш катиби Антонио Гутерреш чәршәнбә ахшамы ҝүнү тәһлүкәсизлик шурасынын нүвә силаһларынын jаjылмамасы мөвзусу илә кечирилән иҹласында Иранла мүвә анлашмасы илә бағлы 2231 саjлы гәтнамәнин иҹра просеси барәдә өзүнүн 9-ҹу һесабатыны тәгдим едиб. Онда деjилир ки, 2015-ҹи ил иjулун 14-дә jекунлашдырылан бирҝә аддым үзрә әһатәли програм- нүвә анлашмасы 12 ил дипломатик диалогун нәтиҹәси иди. Американын нүвә анлашмасына гаршы негатив аддымларына тохунан Гутерреш деjиб: 2018-ҹи илин маjындан Америка нүвә анлашмасына әсасән, ләғв вә jа даjандырылан өзүнүн бүтүн санксиjаларыны ҝери гаjтарды. Америка өз гәрарыны Иранла нефт тиҹарәти үзрә ҝүзәштләри узатмамагла давам етдирибдир. Диҝәр тәрәфдән, АБШ дөвләт катиби Маjк Помпео Ағ Ев-ин анти-Иран сиjасәтләринин давамында бу иҹласда иддиа едибдир ки, Иран Американын коронавирусла мүбаризә саһәсиндәки хаһишини рәдд едибдир. Помпеонун иддиасы елә бир шәраитдә ирәли сүрүлүр ки, инсан һаглары вә беjнәлхалг органларын мәлуматларына әсасән, Ағ Ев-ин инсанлыға сығмаjан санксиjалары зәрури тибб тәҹһизатлары вә дәрманларын Ирана ҝөндәрилмәсиндә мәһдудлашмаjа сәбәб олубдур. Помпеонун сөзләринә ҝөрә, Иран силаһ мәһдудиjjәтләринин битәҹәjи тәгдирдә силаһ алыб-сата биләҹәкдир. Американын дөвләт катиби һәмчинин иддиа едибдир ки, Иран һәтта БМТ-нин силаһ мәһдудиjjәтләри битмәздән өнҹә белә, ону позубдур. БМТ баш катибинин мүавини Розмари Дикарло да бу иҹласда Американын нүвә анлашмасындан чыхмасындан тәәссүфләнәрәк, Иранын өз өһдәликләринн там иҹрасына гаjытмасыны истәjибдир. Авропа Бирлиjинин БМТ Тәһлүкәсизлик Шурасындакы нүмаjәндәси Улаф Скогг да белә иддиа едиб: Һәлә дә Иран вә дүнjа тиҹарәт әлагәләринин адиләшдирилмәсинә садигик вә Иранын уран зәнҝинләшдирилмәси үзрә фәалиjjәтләринин даjандырылмасыны истәjирик. Скогг лакин етираф едибдир ки, Иран үч ил jарым әрзиндә нүвә анлашмасындакы өһдәликләрини там шәкилдә jеринә jетирибдир.
342/
