АБНА24 Хәбәр Верир, АБШ-ын паjтахты Вашингтоннун шәһәр полиси дүнән Ағ Ев гаршысында кечирилән анти-расиз аксиjаларына һүҹум едәрәк, етиразчыларла тоггушуб. Бу етиразчылар Ағ Ев jахынлығында "Лафаjт" меjданында чадырлар гурмушдулар. Иргчилиjә гаршы етиразчылар 19-ҹу әсрдә АБШ президенти олмуш Ендрjу Ҹексонун һеjкәлини ашырмаг истәjибләр. АБШ президенти Доналд Трамп бу етиразлара реаксиjада деjиб: "Етиразчылара Вашингтон шәһәриндә мүхтар бөлҝә jаратмаг иҹазәси вермәjәҹәк вә онлара гаршы ҝүҹ тәтбиг едәҹәк". сон ҝүнләр нүмаjишчиләр АБШ-да гулдарлыг дөврүндәки шәхсиjjәтләрин һеjкәлләрини дағыдыблар. АБШ-ын мүхтәлиф шәһәрләри, хүсусилә Миннеаполис шәһәри бир аj әввәлдән полисин иргчи давранышына гаршы етираз аксиjаларынын шаһидидир Маjын 25-дә афроамерикалы вәтәндаш Ҹорҹ Флоjд Миннеаполис шәһәриндә ағдәрили бир полис забити тәрәфиндән гәтлә jетирилиб. Бу ҹинаjәт халгын һиддәтинә сәбәб олуб. Лакин полис вә тәһлүкәсизлик гүввәләри бу өлкә президентинин ҝөстәриши әсасынд, халг етиразларыны репрессиjа едирләр. Сон һәфтәләрдә АБШ-да кечирилән аксиjаларда минләрлә инсан jараланыб вә jа һәбс едилиб.
342/
