Абна24 хәбәр верир, Авропа үчлүjү бу бәjнатда билдирибдир ки, тезликлә, 2023-ҹү иләдәк Ирана ракет технолоҝиjасы вә ади силаһларын ихраҹаты барәдә олан Авропа санксиjаларынын узадылмасыны истәjәҹәк. Үчлүк геjд едиб ки, бу саһәдә Русиjа, Чин вә тәһлүкәсизлик шурасынын диҝәр үзвләри илә мүзакирә апармаг ниjjәтиндәдир. Инҝилтәрә, Франса вә Алманиjа бу бәjанатда һәмчинин нүвә анлашмасына садиг галдыгларыны иддиа едиб вә билдирибләр ки, бу беjнәлхалг анлашманын горунмасы үчүн әлләриндән ҝәләни әсирҝәмәjәҹәкләр. Инҝилтәрә, Франса вә Алманиjа нүмаjишкаранә бир һәрәкәтдә Американын БМТ Тәһлүкәсизлик Шурасынын jенидән Ирана санксиjалар тәтбиг етмәсинә гаршы олдугларыны да елан едибләр. Авропа Бирлиjи вахташыры иддиа едир ки, нүвә анлашмасынын горунмасына чалышыр, амма һәгигәтдә, Американын бу анлашмадан чыхдығы замандан бәри өз өһдәликләринә әмәл етмәк үчүн һисс олунаҹаг реал аддым атмаjыбдыр. Белә бир һалда, тәһлүкәсизлик шурасынын 2231 саjлы гәтнамәсинин бир һиссәси олан БМТ-нин Ирана гаршы силаһ санксиjаларынын ләғвинин вахтынын jахынлашмасы илә/ америкалылар вә мүттәфигләри бу санксиjаларын битмәсинин гаршысыны алмаг үчүн өз сәjләрини икигат артырыблар. Америка ики ил бундан өнҹә рәсмән вә тәһлүкәсизлик шурасынын 2231 саjлы гәтнамәсинә мәһәл гоjмадан нүвә анлашмасындан чыхса да jени бир һүгуги шәрһдә иддиа едир ки, бу гәтнамәнин маддәләринә әсасән, нүвә анлашмасынын тәрәфләриндән бири олмагда давам едир вә бу чәрчивәдә һәмин анлашмада геjд олунан механизмләрдән, о сырадан тәтик механизминдән истифадә етмәк һаггына маликдир. Бу иддиа Русиjа вә Чинин бирбаша реаксиjалары илә үзләшибдир.
342/
