Абна24 хәбәр верир, Русиjанын Вjанада jерләшән беjнәлхалг тәшкилатлардакы нүмаjәндәси Михаил Улjанов бир твиттдә АБШ-ын Беjнәлхалг Әдәләт Мәһкәмәсинә гаршы һәрәкәтинә ҹаваб олараг, jазыб: Горхутма вә баҹ истәмә АБШ-ын хариҹи сиjасәтинин бариз нүмунәсидир вә Амеика рәсмиләри өз мүттәфигләрини һәдәләмә сиjасәтинә дә әл атыр. Улjанов сонра jазыб ки, горхутма вә баҹ тәләбетмә сиjасәти һәмишә мүвәффәг деjил вә бу сиjасәт беjнәлхалг әлагәләри арадан ҝөтүрүр. АБШ президенти Доналд Трамп өтән һәфтә бир фәрманла Беjнәлхалг Әдәләт Мәһкәмәсинин ишчиләринә гаршы сәфәр мәһдудиjjәтләри вә игтисади санксиjалар тәтбиг етди. Буна сәбәб, һәмин мәһкәмәнин АБШ һәрбчиләринин 2003-ҹү илдән 2014-ҹү иләдәк Әфганыстанда төрәтдикләри һәрби ҹинаjәтләр барәдә тәһгигат апармасы олубдур. Америка һөкумәти Беjнәлхалг Әдәләт Мәһкәмәсинин Вашингтонун иҹазәси олмадан белә бир тәһгигат апармасына гаршыдыр. АБШ-ын бу мүхалифәти Америка Мәркәзи Кәшфиjjат Идарәси мәмурларынын Полша, Румыниjа вә Литвада төрәтдикләри ишҝәнҹәләрлә дә бағлыдыр.
342/
