Абна24 хәбәр верир, Иран Ислам Республикасынын хариҹи ишләр назири Мәһәммәд Ҹавад Зәриф Түркиjә рәсмиләрилә ҝөрүшмәк, икитәрәфли әлагәләр вә беjнәлхалг мәсәләләр барәдә фикир мүбадиләси апармаг мәгсәдилә дүнән ҝеҹә бир һеjәтин мүшаjиәтилә бу өлкәjә дахил олуб. М.Ҹ.Зәриф сон аjларда ики өлкә президентләри, назирләри вә Иран-Түркиjә Мүштәрәк Комиссиjанын үзвләринин телефон данышыгларына тохунуб вә хатыладыб: "Иран вә Түркиjә арасында мүхтәлиф саһәләр үзрә сых әлагәләр мөвҹуддур вә ардыҹыл мәсләһәтләшмәләрә еһтиjаҹ дуjулур. Лакин коронавирус сәбәбиндән бу мәсләһәтләшмәләрин jүксәк сәвиjjәдә апарылмасы мүмкүн олмаjыб". Иранын ХИН-нин башчысы бу сәфәрдән мәгсәдин икитәрәфли мәсәләләри арашдырмаг, игтисади әлагәләрин, һәмчинин енержи сектору вә реҝионал мәсәләләрдәки әмәкдашлыгларын jенидән бәрпасы барәдә фикир мүбадиләси апармаг олдуғуну вурғулаjыб. М.Ҹ.Зәриф Түркиjәjә ики ҝүнлүк сәфәриндә сонра беjнәлхалг вә реҝионал мүнасибәтләр, һәмчинин Теһран-Москва әлагәләринин ҝенишләндирилмәсини мүзакирә етмәк мәгсәдилә Москваjа ҝедәҹә. Коронавирусун биринҹи далғасынын нисбәтән сәнҝимәси вә Суриjа сәфәриндән сонра, Түркиjә-Русиjа сәфәри Зәрифин икинҹи хариҹи сәфәридир
342/
