Абна24 хәбәр верир, Иран телерадио тәшкилатынын Сәрһәдашыры ермәни дилли радиосунун мәлуматына ҝөрә, коррупсиjа, верҝидән jаjынма, сечиҹиләрә рүшвәт вермәк вә она аид гумарханаларын геjри-гануни фәалиjjәти Ҝаҝик Тсарукjана гаршы ирәли сүрүлән әсас иттиһамлардыр. Бу елә бир һалда баш верир ки, Тсарукjан һәбс едилмәсиндән мәгсәдин Чичәкләнән Ермәнистан Партиjасына сиjаси тәзjигләри артырмаг олдуғуну деjиб. Чичәкләнән Ермәнистан Партиjасыны Ермәнистан парламентиндә 25 депутат тәмсил едир. Еjни заманда Тсарукjанын тәрәфдарлары Ермәнистанын Милли Тәһлүкәсизлик Тәшкилатынын бинасы өнүнә топлашараг, онун сәрбәст бурахылмасыны тәләб едибләр. Ермәнистан полиси дә онларла етиразчыны коронавирусла бағлы карантин режиминин тәләбләрини поздуғуна ҝөрә һәбс едиб. Бундан әввәл дә Ермәнистанын сабиг президенти Серж Саркисиjан һазыркы һөкумәтин фәалиjjәтини шүбһә алтына гоjараг, Ермәнистанда демократиjанын тәһлүкәдә олдуғуну вә мүхалифәтин репрессиjа едилдиjини иддиа едиб.
342/
