Иран, Русийа вә Түркийәнин ХИН башчылары Сурийа бөһранынын һәлли үчүн мүзакирәләрин давамыны вурғулайыблар

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Астана просесинин тәминатчы өлкәләринин хариҹи ишләр назирләринин видео-конфранс форматында үчтәрәфли ҝөрүшү бу ҝүн тәшкил олунуб.

Бу Сурийа вә Реҝиондакы сон һадисәләр әтрафында фикир мүбадиләси мәгсәди илә кечирилән бу видео конфрансда Иран Ислам Республкасынын хариҹи ишләр назири Мәһәммәд Ҹавад Зәриф , Түркийә ХИН башчысы Мөвлуд Чавушоғлу вә Русийа ХИН рәһбәри Серҝей Лавров Идлибдә сон дурум, Сурийада конститусийа комитәси, коронавирусун йайылмасы нәзәрә алынараг санксийаларын ләғвинин ваҹиблийи, һуманитар дурум вә дидәрҝинләрин өз йурд-йуваларына гайытмалары кими мөвзулары мүзакирә едибләр.

Иран, Түркийә вә Русийа ХИН башчылары һәмчинин Сурийанын әрази бүтөвлүйү, мүстәгиллийи, суверинлийинә һөрмәт едилмәси, Сурийа бөһранынын сийаси һәлли, террорчуларын мухалифәтдән айрылмасы вә терроризм илә давамлы мүбаризә кими мөвзулар барәдә разылашыблар.

Онлар һәмчинин бүтүн сәвиййәләрдә үчтәрәфли мәсләһәтләшмәләрин давам етмәсинә, Коронавирус илә әлагәдар фөвгәладә дурумун адиләшмәсиндән сонра Иранда Астана проссесинин 6-ҹы зирвә ҝөрүшүнүн тәшкил олунмасына тәкид едибләр.

ИИР ХИН рәһбәри бу видео конфрансда Идлибдә баш верән сон һадисәләрә тохунараг Сурийа дөвләтинин бу өлкәнин бүтүн әразиләринә һакимиййәтинин тәмин олунмасына, терроризм илә мүбаризәнин давам етдирилмәсинә тәкид едиб.

Зәриф һәмчинин бейнәлхалг иҹтимаиййәтин вә БМТ-нин санксийаларын арадан галдырылмасы вә Сурийа халгынын дәрдләринин йүнҝүлләшдирилмәсиндәки мәсулиййәтинә еләҹә дә Американын ишғалы алтында олан дүшәрҝәләрдәки дидәрҝинләрин дурумуна диггәт чәкиб.

ИИР ХИН башчысы сионист режимин Сурийайа тәкрар тәҹавүзләринин бу өлкәнин милли һакимиййәтини поздуғуну вә реҝионал вә бейнәлхалг сүлһ, стабиллийинә тәһлүкә йаратдығыны билдириб.
.............
340