АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранын мүдафиә назири бригада ҝенералы Әмир Һатәми Теһранда ионлу модерн филтрли маскаларын ири һәҹмдә истеһсалы хәттинин тәгдиматы вә ачылышы мәрасиминдә дейиб: Иранын Мүдафиә Назирлийинин ҝәнҹ мүтәхәссисләри коронавирусла мүбаризә үчүн бир мүддәт тәдгигат апардыгдан сонра илк дәфә олараг, ионлу вә кристаллы модерн филтрләр истеһсалы технолоҝийасыны әлдә етмәйә наил олублар.
Ҝенерал Һатәми билдириб ки, бу нөв маскалар хас өзәлликләрә маликдирләр. О, сонра дейиб: Бу маска вирусун тәнәффүс мүһитинә дахил олмасынын гаршысыны нәзәрәчарпаҹаг һәддә алыр. Онун филтринин механизминдә ион вә кристал технолоҝийасынын тәтбиг едилмәси илә истеһлакчылар бу маска илә даһа узун мүддәтә вә даһа раһат нәфәс ала биләҹәкләр.
Иранын мүдафиә назири сөйләйиб: Бу филтрли маскалара ионлу маддәләр йахылыб. Бу сәбәбдән, ағ ҹийәр вә тәнәффүс проблемләри йашайан хәстәләр һәмин маскаларла даһа раһат вә даһа асудә шәкилдә тәнәффүс едә биләрләр.
Ҝенерал Һатәми бу маскаларын ҝүндә 100 мин әдәд сайда истеһсал едилмәк имканына ишарә едиб вә белә дейиб: Бу ҹүр модерн масканын бир ай истеһсал едилмәсиндән сонра Иранын Мүдафиә Назирлийи коронавирус илә мүбаризә истигамәтиндә Иран халгынын еһтийаҹыны арадан галдырмаг үчүн ҝүндә 500 мин әдәд маска истеһсал етмәк гүдрәтинә маликдир.
Иранын мүдафиә назиринин сөзләринә ҝөрә, ионлу вә кристаллы модерн филтрә малик маскаларын истеһсал технолоҝийасы тамамилә йерлидир вә онун елм вә билийи Иранын Мүдафиә Назирлийинин ихтийарындадыр.
............
340
11 aprel 2020 - 07:25
Xəbər kodu: 1024348
Иранын мүдафиә сәнайесинин мүтәхәссисләри йени маскалар үчүн модерн филтрләр истеһсалы технолоҝийасыны әлдә етмәйә наил олублар.
