АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран хариҹи ишләр назиринин реҝион мәсәләләри үзрә көмәкчиләри дүнән һәмчинин бу ҝөрүшләрдә Мәһәммәд Ҹавад Зәрифин мүхтәлиф өлкәләрдәки һәмкарларына үнванланмыш мәктубларыны онлара тәгдим едилмәк үчүн Теһрандакы хариҹи нүмайәндәликләрин башчыларына тәһвил верибләр.
Зәриф бундан өнҹә дә бу мәктублара охшар мәзмунлу мүраҹиәтдә БМТ-нин баш катиби Антонио Гутеррешә хитабән Американын Ирана гаршы бүтүн биртәрәфли вә ганунсуз санксийаларынын галдырылмасы ваҹиблийини вурғуламыш вә белә гейд етмишди: Иранын сағламлыг системинин елми баҹарығына рәғмән, Американын дәрман вә тибб ләвазиматларынын сатышыны әнҝәлләмәк үзрә санксийа вә өншәртләри Иранда коронавирус пандемийасы илә мүбаризә үзрә сәйләри ҹидди манеәләрлә үзләшдирибдир.
Иранын хариҹи ишләр назири БМТ-нин баш катибинә вә диҝәр өлкәләрдәки һәмкарларына үнванладығы мәктубларында дүнйа иҹтимаиййәтинин Ағ Ев-ин ганунсуз һәрәкәтләри гаршысындакы фәалиййәтсизлийини тәнгид едиб вә Вашингтонун Иран халгына гаршы игтисади терроризминин тез бир заманда дайандырылмасыны зәрури адландырыбдыр.
Зәриф һәмчинин бу мәктубларда БМТ-нин вә һәмин тәшкилата үзв өлкәләрин Иранын халгы вә дөвләтинин Америка һөкумәтинин сийасәтинин дайандырылмасы барәдәки тәләбини мүшайиәт етмәләрини вурғулайыб.
Иран сәһиййә назирлийинин ән йени статистикасына ҝөрә, индийәдәк өлкәдә 13900-дән чох инсан коронавируса йолухуб вә бу вируса йолухма нәтиҹәсиндә 724 нәфәр вәфат едибдир.
..............
340
16 mart 2020 - 09:52
Xəbər kodu: 1017982
Иран хариҹи ишләр назиринин көмәкчиләри Теһрандакы сәфирләр вә хариҹи нүмайәндәликләрин башчылары илә айрыҹа ҝөрүшләрдә Американын биртәрәфли санксийаларынын коронавирусла мүбаризә үчүн Ирана лазым олан сәһиййә вә мүалиҹә васитәләринин тәмини истигамәтиндә төрәтдийи проблем вә манеәләри шәрһ едибләр.
АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән,
