АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сеййид Һәсән Нәсруллаһ Америка һөкумәтинин бу өлкәдә коронавируса йолуханлар вә бу хәстәликдән өләнләрин сайыны ҝизләтмәсинә тохунуб. Дейиб ки, Трамп вә онун командасы коронавирус тәһлүкәсини вә онун Америкадакы нәтиҹәләрини азөнәмли ҝөстәрмәйә чалышырлар.
Ливан Һизбуллаһынын баш катиби америкалы рәсмиләрин Вашингтонун коронавирусла мүбаризәдә Ирана көмәйә һазыр олмасына даир иддиаларына да ишарә едиб. Билдириб ки, Иранын коронавирусла мүбаризәдә Американын көмәйинә еһтийаҹы йохдур.
Нәсруллаһ әлавә едиб: Американын әмәл етмәли олдуғу йеҝанә мәсәлә, бу өлкәнин Ирана гаршы залымҹасына санксийаларынын ләғвидир.
Сеййид Һәсән Нәсруллаһ сонра һамынын Иран вә Чин дахил олмагла коронавирусла мүбаризәдә олан өлкәләрин тәҹрүбәләриндән истифадә етмәләрини истәйиб. О, дейиб: Һәр шәхсин шәри борҹу будур ки, өзүнүн вә аиләсинин һәйатыны горусун вә бу борҹдан бойун гачыраҹаг һәр бир шәхс бөйүк ҝүнаһлардан бирини етмиш олаҹагдыр.
Ливан Һизбуллаһынын баш катиби һәмчинин Американын ҹүмә ҝүнү сәһәр ираглы гүввәләрин мөвгеләринә гаршы һава һүҹумуна ишарә едиб. Вурғулайыб ки, америкалыларын Ирагдакы ҹинайәти ҹавабсыз галмайаҹагдыр.
АБШ гырыҹылары ҹүмә ҝүнү сәһәр тездән Ирагын халг сәфәрбәр гүввәләри- Һәшдушшәби-нин вә бу өлкә ордусунун Сәлаһәддин, Бабил, Бәсрә вә Кәрбәла вилайәтләриндәки базаларыны бомбаладылар.
Бу һүҹумда Ирагын тәһлүкәсизлик гүввәләриндән үч нәфәр өлдү, 7 нәфәр дә йараланды.
Ираглы рәсмиләр, груп вә шәхсиййәтләр ҹүмә ҝүнү бу һүҹуму писләди вә Американын бу һәрәкәтинин нәтиҹәләри һагда хәбәрдарлыг етдиләр.
Ираг президенти Бәрһәм Салиһ һәмин һәрәкәти өлкәсинин суверенлийинин позулмасы адландырды. Ирагын Хариҹи Ишләр Назирлийи дә Инҝилтәрә вә Американын Бағдаддакы сәфирләрини чағыртдырды.
.............
340
14 mart 2020 - 09:23
Xəbər kodu: 1017248
Ливан Һизбуллаһынын баш катиби дүнән ҝеҹә бир чыхышда дейиб: Коронавирусла мүбаризәдә дүнйада ән бөйүк йаланчы, Америка президенти Доналд Трамп вә онун командасыдыр.
