АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Мәҹид Тәхте Рәванчи билдириб: Иранын халгы вә дөвләти коронавирусла мүбаризә үчүн бөйүк сәй ҝөстәрирләр, амма Американын санксийалары онларын сәйләринә мане олур.
Тәхте Рәванчи Америкадан истәйибдир ки, һуманитар йардымлары сийасиләшдирмәкдән әл чәксин вә санксийалары арадан ҝөтүрсүн.
Иран Ислам Республикасынын хариҹи ишләр назири Мәһәммәд Ҹавад Зәриф дә ҹүмә ахшамы ҝүнү сурәтләри бейнәлхалг тәшкилатлара вә бүтүн өлкәләрин хариҹи ишләр назирләринә ҝөндәрилән БМТ-нин баш катиби Антонио Гутеррешә үнванладығы мәктубда коронавирусла мүбаризәдә Американын Ирана гаршы биртәрәфли санксийаларынын арадан ҝөтүрүлмәси ваҹиблийини вурғуламышды.
Зәриф бу мәктубда йазыб: Иранын сағламлыг системинин коронавирусла мүбаризәдәки өһдәлийинә вә елми баҹарығына рәғмән, АБШ-ын гануни тиҹарәтә гаршы санксийалары, һәмчинин Вашингтон рәсмиләринин һуманитар йүкләрә, еләҹә дә тибби ләвазиматларын вә дәрманын сатышына мане олмаг үзрә сон өншәртләри Иранда бу епидемийа илә мүбаризә үзрә сәйләри ҹидди манеәләрлә үзләшдирибдир.
Иран Ислам Республикасынын хариҹи ишләр назири бундан өнҹә дә Американын Ирана гаршы игтисади терроризми вә санксийаларынын кәскинләшмәсини вә онун Иран вәтәндашларынын өлүмүнә олан тәсирләрини писләмишди.
Американын биртәрәфли вә залымҹасына санксийалары әсас маллара вә һәтта дәрман вә тибб ләвазиматларына шамил олур. Бу да Иран халгы, хүсусән хәстәләр үчүн бир чох проблемин йаранмасына баис олубдур.
............
340
14 mart 2020 - 09:23
Xəbər kodu: 1017247
Иран Ислам Республикасынын БМТ-дәки даими нүмайәндәси дүнән ҝеҹә твиттер-дә Американын Ирана гаршы биртәрәфли санксийаларыны Теһранын коронавирусла мүбаризә үзрә сәйләринә бир манеә адландырыб. Вурғулайыб ки, бейнәлхалг бөһранларын әсл бейнәлхалг сәйләрә еһтийаҹы вар.
