Әһли Бејт (әлејһимус сәлам) Хәбәр Аҝентлијинин- АБНА-ын вердији мәлуматына ҝөрә, Гум Елми Һөвзәси Азәрбајҹан Ислам Партијасынын сәдр әвәзи Һаҹы Илһам Әлијевин сифаришли һәбси илә бағлы кәскин ниҝаранчылығыны кечирәрәк Бәјанат вериб.
Биз АБНA сајты олараг Гум Елми Һөвзәсинин Азәрбајҹан Игтидарына вердији Бәјанатын там мәтнини сајтымызын һөрмәтли зијарәтчиләринә тәгдим едирик.
Бисмиллаһир Рәһманир Рәһим
“Онлар Аллаһын нуруну (ислам динини) өз ағызлары (өз ифтиралары вә шәр сөзләри) илә сөндүрмәк истәјәрләр. Аллаһ исә кафирләрин хошуна ҝәлмәсә дә , өз нуруну (динини) тамамлајаҹагдыр”. Саф сурәси 8 ҹи ајә.
Вәтәнимиз Азәрбајҹанда Игтидар јенә инанҹлы инсанлара тәзигләрини давам етдирир, мөминләрин нараһатчылығына сәбәб олур...
Биз Азәрбајҹан тәләбәләри АИП нин сәдр әвәзи Һаҹы Илһам Әлијевин сифаришли һәбсинә ҝөрә чох нараһатыг. Азәрбајҹан һөкумәтинин ислам дининә вә иман әһлинә олан гәрәзли планлары дөвләтлә дин мүнасибәтләрини кобуд шәкилдә позуб, пислијә сүрүкләјир. Игтидар башгаларынын мәкирли сијасәтини һәјата кечирәрәк исламчыларла үз-үзә ҝәлир вә нәтиҹәдә Мутаал Аллаһла гаршы-гаршыја дајаныб өз сүгутуна чалышыр.
АИП-нин сәдр әвәзи Һаҹы Илһам Әлијев Ислам алими, мүтәфәккир, инсани дәјәрләрә малик, вәтән севәр... бир инсан олараг ону вәтәнә хәјанәт маддәси илә шәрләјиб, һәбс етмәк неҹәдә ҝүлүнҹ вә утанҹвериҹи бир һалдыр.
Биз Азәрбајҹаны севән вә орадакы просесләри јахындан изләјән бир тәләбәләр олараг Ислам алимләримизин вә диндарларымызын һәбсини писләјир, Һаҹы Илһам башда олмагла бүтүн инанҹлы дустагларымызын һәбсинә етиразымызы билдирир вә онларын азадлығыны тәләб едирик.
Мүгәддәс Гум шәһәри
07 03 2020
001
Qum Elmi Hövzəsinin Rəsmi Səhifəsi
Диггәт! Хәбәрдән Истифадә етдикдә мәнбәјә истинад лазымдыр.
