АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әли Лариҹани бу ҝүн билдириб ки, мүсәлманлар Һиндистан ҹәмиййәти вә мәдәниййәтинин бир һиссәси кими бу өлкәнин инкишафында мүһүм рол ойнайыр. Гейд едиб ки, Һиндистанда вәтәндаш һүгуглары адлы йени ганундан ирәли ҝәлән тәсвир вә гәнаәт мүсәлманлар үчүн мәһдудиййәтләрин йарадылмасындан сөз ачыр вә һәмин мәсәлә ниҝаранчылыглар доғурубдур.
Һиндистанын мүхтәлиф иргләр, дилләр, динләр, мәзһәбләр, адәт-әнәнә вә мәдәниййәтләр дийары олдуғуну вурғулайан Лариҹани билдириб ки, бу кими мәсәлә вә мөвзуларын мейдана чыхмасы һинд мәдәниййәти вә сивилизасийасы илә уйушмур.
Иран Ислам Шурасы Мәҹлисинин сәдри һәмчинин Теһран-Јени-Деһли мүнасибәтләринин өнәмини хатырладыб вә Һиндистанда бүтүн етнос, динләр вә мәзһәбләрин диалогу вә динҹ йанашы йашмаларыны зәрури адландырыб.
Һиндистан вәтәндашлығы ганунуна дүзәлиш 2019-ҹу ил декабрын 11-дә гәбул олунду. Бу гануна ҝөрә, 2015-ҹи илдән өнҹә мөтәбәр сәнәдләри олмадан Бангладеш, Әфганыстан вә Пакистандан бу өлкәйә дахил олмуш мигрантлар Һиндистан вәтәндашлығыны ала биләрләр, амма бу ганун мүсәлманлара шамил олмур.
Һиндистан вәтәндашлығы ганунуна дүзәлиш бу өлкә бойу ҝениш етиразларын формалашмасына баис олубдур. Етиразчылар бу гәнаәтдәдирләр ки, ислаһатлар мүсәлманларын һәдәфә алынмаларына вә онлара гаршы айры-сечкилийә сәбәб олаҹаг.
Белә бир һалда, бәзи екстремист дәстәләр Јени-Деһлинин шимал-шәргиндә мәсҹидләри дағыдыб вә мүсәлмансакинли мәһәлләләри бензин бомбалары илә һәдәфә алыблар.
............
340
7 mart 2020 - 07:58
Xəbər kodu: 1015311
Иран Ислам Шурасы Мәҹлисинин сәдри Һиндистанда мүсәлманларын гырғын едилмәләриндән ниҝаранчылыг едиб. О, Јени-Деһлидән истәйибдир ки, ҝәрҝинликләрин динҹ йолла үчүн бүтүн имканлардан истифадә етсин.
