АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Бәшшар Әсәд Российа-24 информасийа каналы илә мүсаһибәдә билдириб ки, Дәмәшг һәмишә Түркийә халгыны бир дост кими йад едир. О, әлавә едиб: Ики өлкә халглары арасында бир чох ортаглыглар мөвҹуддур вә Түркийә сакинләриндән бир чоху әслиййәтҹә сурийалыдыр вә Сурийа халгынын бир чоху да түрк әсллидир.
Сурийа президенти сөйләйиб: Сурийа Түркийә илә ортаг һәйати мәнафеләрә маликдир вә ики өлкәнин мәдәниййәтләри арасында тарихи бир бағлылыг вар. Буна ҝөрә, ики өлкә арасында ҹидди ихтилафларын мөвҹуд олмасы мәнтигли дейилдир.
Сурийа өтән 9 илдә гәрбли вә әрәб өлкәләри тәрәфиндән дәстәк алан террор груплары илә мүһарибәнин шаһидидир ки, индийәдәк онда минләрлә инсан өлүб, милйонларла нәфәр дә бу өлкәнин дахили вә хариҹиндә дидәрҝин дүшүбдүр.
Сурийанын ордусу вә онун мүттәфигләринин бу өлкәни террор дәстәләринин ишғалындан там шәкилдә азад етмәк әрәфәсиндә олдуглары бир һалда, Түркийә ордусу өтән ҝүнләрдә Сурийа ордусунун Идлиб вилайәтиндәки мөвгеләринә һүҹум едәрәк, бу өлкәнин терроризмлә мүбаризәдәки уғурларынын давам етмәсинә мане олмаға чалышыр.
...........
340
5 mart 2020 - 07:29
Xəbər kodu: 1014923
Сурийа президенти дейиб ки, Дәмәшг Түркийәйә гаршы һеч бир дүшмәнчилик һәрәкәти етмәйиб вә ики өлкә арасндакы һазыркы ихтилафлар мәнтигсиздир.
