АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Пейман Ҹебелли дүнән Теһранда Гырғызыстанын Асийа ТВ каналынын директору Асанбек Биҝелдийевлә ҝөрүшдә ики өлкәнин мәдәни вә тарихи ортаглыгларына тохунараг, дейиб: Иранын ТелеРадио Тәшкилатынын сәрһәдашыры бөлмәси Мәркәзи Асийа өлкәләри хүсусиййәт тәшкил етмәклә гоншу өлкәләрлә тәҹрүбә мүбадиләси вә тәлим, видео йайымы зәминләриндән истифадә, бәзи сериал вә верилишләрин йайым һаггынын һәвалә олунмасы вә телевизийа програмлары мүбадиләси кими саһәләрдә һәр ҹүр әмәкдашлыға һазырдыр.
Ҹебелли һәмчинин Американын Иранын ТелеРадио Тәшкилатынын сәрһәдашыры каналларына гаршы санксийаларына тохунуб вә белә сөйләйиб: Бу санксийалар ади әһали үчүн проблемләр йаратса да Иранын сәрһәдашыры каналларында габилиййәтләр вә инновасийаларын артмасына ҝәтириб чыхарыбдыр.
Асанбек Биҝелдийев дә Асийа ТВ-нин Иранын ТелеРадио Тәшкилатынын сәрһәдашыры каналлары, хүсусән Пресс ТВ илә информасийа мүбадиләсинә һазыр олдуғуну билдириб. О, дейиб: Гырғызыстан вә Иран мәдәни вә тарихи охшарлыглара ҝөрә, бир-бириләрилә чох йахын медиа әлагәләринә малик олмалыдырлар.
Асийа ТВ каналынын директору әлавә едиб: Пресс ТВ бейнәлхалг һадисәләри ҝениш шәкилдә ишыгландырмагла, сон дүнйа олайлары барәдә Гырғызыстан халгына дәгиг мәлуматларын чатдырылмасында тәсирли рол ойнайа билибдир.
.............
340
4 mart 2020 - 07:39
Xəbər kodu: 1014704
Иранын ТелеРадио Тәшкилатынын сәрһәдашыры бөлмә үзрә сәдр мүавини вә Гырғызыстанын Асийа ТВ каналы медиа һәмкарлыгларынын ҝенишләндирилмәси барәдә меморандум имзалайыблар.
