АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әлави бу видеомүраҹиәтдә назирләр кабинетинин тәшкилиндән ваз кечмәсинин дәлилини бәзи групларын сийаси тәзйигләри адландырыб.
Бәзи групларын назирлик вәзифәси алмаг истәдикләрини гейд едән Муһәммәд Тофиг Әлави ираглы аксийачылардан истәйиб ки, бу груплара тәзйиг ҝөстәрмәклә өз милли тәләбләрини ирәли сүрсүнләр.
Әлави һәмчинин Ирагын президенти Бәрһәм Салиһә үнванладығы рәсми мәктубда назирләр кабинетини тәшкил едә билмәмәсинә ҝөрә, үзр истәйиб.
Бәрһәм Салиһ дә Әлавинин әризәсини гәбул едиб. Билдириб ки, гаршыдакы 15 ҝүн әрзиндә мүхтәлиф групларла мәшвәрәтдән сонра баш назирлийә йени сечим тәгдим едәҹәк.
Базар ҝүнү Ираг парламентинин Муһәммәд Тофиг Әлавинин назирләр кабинетинә етимад сәсинин верилмәси үзрә хүсуси иҹласы лазыми һәддә чатмамасы үзүндән сон һәфтәдә бешинҹи дәфә тәхирә дүшүбдүр.
Бу ҝүн Әлавинин назирләр кабинетинин тәшкили үчүн сонунҹу мөһләт иди.
Ираг парламентинин 329 үзвүндән йалныз 108 нәфәр дүнәнки иҹласа ҝәлмишди.
Ираг 2019-ҹу ил октйабрын 1-дән коррупсийайа, мәшғуллуг имканларынын олмамасына вә иҹтимаи хидмәтләрин гейри-мүнасиб дурумуна етираз олараг, аксийаларын кечирилмәсинин шаһидидир.
Етиразларын давам етмәси, һәмчинин етиразларын күчә зоракылыгларына чеврилмәсилә 2019-ҹу нойабрын 29-да Адил Әбдулмәһди Ирагын баш назири вәзифәсиндән истефа верди.
.............
340
3 mart 2020 - 06:52
Xəbər kodu: 1014479
Ирагын йени баш назири Муһәммәд Тофиг Әлави дүнән ҝеҹә бир видеомүраҹиәтдә билдириб ки, назирләр кабинетинин тәшкилиндән ваз кечибдир.
