АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, АБШ президенти Доналд Трамп дүнән ахшам өзүнүн мәтбуат конфрансында Америка илә талибләр арасында сүлһ разылашмасынын имзаланмасы барәдә иддиа едиб ки, бу разылашма йолу илә Американын ән узун сүрән мүһарибәсинә сон гоймаг вә американ әсҝәрләрин евләринә гайытмасына шәраит йаратмаг истәйир.
Әфганыстанда мүһарибәнин дайанмамасы барәдә ниҝаранчылыглара рәғмән бир иллик сых мүзакирәләрдән сонра нәһайәт Америка вә талибләр арасында сүлһ разылашмасы имзаланыб.
Американын Әфганыстан үзрә хүсуси нүмайәндәси Зәлми Хәлилзад вә талибләрин сийаси мүавини Молла Гәни Бәрадәр дүнән Гәтәрин пайтахты Доһада мүхтәлиф өлкәләрин нүмайәндәләринин иштиракы илә кечирилән мәрасимдә Әфганыстанда мүһарибәйә сон гойулмасы үзрә сүлһ разылашмасы имзалайыблар.
АБШ президенти мәтбуат конфрансында һәмчинин өлкәсиндә коронавирусун илк тәләфаты хәбәрини тәсдигләйәрәк бу өлкә сәрһәдләриндә сәфәр мәһдудиййәтләринин тәтбиг едилмәсиндән хәбәр вериб.
АБШ президенти бу өлкәдә коронавируса йолухма нәтиҹәсиндә илк өлүм һалыны тәсдигләйәрәк өзүнүн зәиф фәалиййәтини әсасландырмагла дейиб: Һөкумәт даһа чох тәләфат ҝөзләйирди амма буна бахмайараг горхуйа сәбәб йохдур.
Америкада коронавирусун ҝүн-ҝүндән йайылмасына рәғмән Трампын бу хәстәлийи ҹиддийә алмамасы кәскин тәнгидләрә сәбәб олуб.
............
340
1 mart 2020 - 07:32
Xəbər kodu: 1014086
АБШ президенти талибләрлә сүлһ разылашмасы йолу илә Американын ән узун сүрән мүһарибәсинә сон гоймаг истәдийини иддиа едиб.
