АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасы Силаһлы Гүввәләринин Али Баш Команданы Һәзрәт Айәтуллаһулузма Хаменеи бу ҝүн сәһәр Иран Ислам Республикасы Ордусунун Һәрби Һава Гүввәләри, һәмчинин Һава Һүҹумундан Мүдафиә Гүввәләринин команданлары вә ишчиләри илә ҝөрүшдә билдирибләр ки, зәиф олмаг дүшмәни һәрәкәтә кечмәйә тәшвиг едәҹәк. О һәзрәт әлавә едибләр: Биз һеч бир өлкә вә халгы тәһдид етмәк ардынҹа дейилик; биз өлкәнин тәһлүкәсизлийинин горунмасы вә тәһдидин гаршысынын алынмасынын ардынҹайыг.
Иран Ислам Республикасы Силаһлы Гүввәләринин Али Баш Команданы Иранын силаһлы гүввәләринә истедад вә имканлардан максимум истифадәни, мүһүм ишләри ирәлиләтмәйи, мүхтәлиф истигамәтләрдә мүдафиә әсасыны ҝүҹләндирмәйә сәй ҝөстәрмәйи төвсийә едиб вә белә сөйләйибләр: Әҝәр Американын габагкы президентләри бу режимин шейтани йолуну чәтирләр алтында изләйирдиләрсә, бу ҝүн америкалыларын башгаларынын имканларына тамаһкарлыглары, фитнәкарлыглары, милитаризми вә йолдан аздырмалары ачыг-ашкардыр вә Иран халгынын дүшмәнләринин бу йанлыш йолу мүтләг шәкилдә уғурсузлуға мәһкумдур.
Һәзрәт Айәтуллаһулузма Хаменеи һәмчинин Американын Ирана гаршы санксийаларына ишарә едәрәк, сөйләйибләр: Тәһидидләр фүрсәтә чевриләҹәк вә ҹинайәткар бир һәрәкәт олан санксийа өлкәнин нефтә табелийиндән хилас олмасы вә бир чох проблемин һәлл едилмәси амили ола биләр.
Ислам Ингилабынын Бөйүк Рәһбәри сонра белә гейд едибләр: Әлбәттә, Американын һаким даирәләриндәки бәзи сайыг шәхсләр бу мәсәләни дәрк едирләр. Онлар дейирләр ки, Ирана нефтсиз игтисадиййаты сынагдан кечирмәк имканы вермәмәлийик вә буна ҝөрә, бир йолу ачыг гоймалыйыг ки, Иран игтисадиййаты бүтөвлүкдә нефт пулундан айрылмасын ки, Иранын мәсул шәхсләри, хүсусән игтисади рәсмиләри бу саһәдә сайыг олмалыдырлар.
Һәзрәт Айәтуллаһулузма Хаменеи һәмчинин дүшмәнләрин васитәләри вә методларынын мүрәккәб олмасына ишарә едәрәк, дейибләр: Әвәзиндә, Иран Ислам Республикасынын үсул вә методлары да кечмишдәкиндән даһа мүрәккәб олубдур. Белә ки, һазырда өлкәнин мүхтәлиф бөлмәләриндә тамамилә мәнтигли, мүрәккәб вә ирәлиләйән үсул вә ишләр ҹәрәйан етмәкдәдир ки, бу да өлкәнин стратежи дәринлийинин тәминедиҹиси олараг, дүшмәни йериндә дондурубдур.
............
340
