АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, сон 3 һөкумәтдә фәалиййәт ҝөстәрмиш Американын кечмиш рәсмиләри вә дипломаларындан ибарәт 30 нәфәрлик бир груп бир мәктубда әсрин сөвдәләшмәси планыны кәскин тәнгид едәрәк бу плана гаршы олдугларыны билдирибләр.
Бу кечмиш рәсмиләр әсрин сөвдәләшмәси планынын Иордан чайынын гәрб саһилинин сионист режим тәрәфиндән ишғалына зәмин йаратдығыны билдирәрәк ону Американын милли мәнафейинә зидд һесаб едибләр.
Бу нүфузлу шәхсләр Доналд Трампын Американын хариҹи сийасәтинин бир тәрәфли һәрәкәтә гаршы олан принсипләрини унутдуғуну хатырладараг билдирибләр ки, Вашингтонун биртәрәфли һәрәкәтләри узун мүддәтдә Американын тәһлүкәсизлийинә дағыдыҹы тәсирләр бурахаҹаг.
Мәктубу имзалайанлар, Вашингтон тәрәфиндән әсрин сөвдәләшмәси планынын елан едилмәсинин, Американын дахили проблемләрини вә Трампын уғурсуз сийасәтләрини өрт-басдыр етмәк мәгсәди ҝүддүйүнү билдирибләр.
АБШ президенти Доналд Трамп чәршәнбә ахшамы ҝүнү Ағ евдә сионист режимин баш назири Бенйамин Нетанйаһу илә бирликдә "Әсрин сөвдәләшмәси" планыны тәгдим етди.
Бу план Гүдсү сионист режимә верир вә мүгавимәт гүввәләрини мүбаризәдән, фәләстинли дидәрҝинләри өз доғма торпагларына гайытмагдан чәкиндирир.
Иордан чайынын гәрб саһилинин 30 фаизинин Исраилә верилмәси бу рүсвайчы планын диҝәр маддәләриндән биридир.
Бир чох өлкәләр, танынмыш сималар, сийаси вә дини шәхсиййәтләр хүсусийлә мүсәлман дүнйасынын сималары бу планы писләйибләр.
...........
340
2 fevral 2020 - 09:21
Xəbər kodu: 1007107
Американын кечмиш рәсмиләриндән бир групу бир мәктубда "Әсрин сөвдәләшмәси" планыны писләйибләр.
