Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Пентагон рәсмиси Ҹонатан Һофман јени бир етирафла чыхыш едиб: "Иранын АБШ-ын һәрби базаларына ендирдији ракет зәрбәләри нәтиҹәсиндә үмумиликдә 34 АБШ һәрбчиси хәсарәт алыб."
Ҹонатан Һофман дејиб ки, Пентагон рәһбәри Марк Еспер хәсарәт аланлар барәдә дәгиг мәлуматларын топланмасы барәдә сәрәнҹам вериб.
Бәзән онларын һесабламалары илә тибб идарәләринин һесабламалары үст-үстә дүшмәмәсини билдирән Һофман белә дејиб: "Сон мәлумата ҝөрә, һүҹум заманы 34 һәрбчимиз бејин хәсарәтләри, о ҹүмләдән контузија хәсарәтләри алыб. 8 һәрбчи АБШ-да, 9 һәрбчи Алманијада мүалиҹә олунур. Галанлары исә Ирагдадыр."
Гејд едәк ки, АБШ һәрби базаларына ракет һүҹумлары нәтиҹәсиндә һеч бир итки вә хәсарәт аланын олмадығыны иддиа едән АБШ рәһбәрлији даһа сонра 11 һәрбчинин, инди исә 34 һәрбчинин хәсарәт алдығыны вә бу рәгәмләрин јекун олмадығыны етираф едиб.
Диггәт: Хәбәрдән истифадә етдикдә мәнбәјә истинад лазымдыр!
