Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Иран Ингилаб Кешикчиләри Ордусу (СЕПАҺ) Һава Гүввәләринин командири бригада ҝенералы Әмир Әли Һаҹызадә шәһид ҝенерал Гасым Сүлејманини террор едән силаһлы пилотсуз учуш апаратларынын (ПУА), Күвејтдәки АБШ базасынындан галха биләҹәјини сөјләјиб.
Һаҹызадә АБШ-ын бөлҝәдә истифадә етдији 4 базанын Бағдад һава лиманында шәһид ҝенерал Сүлејмани дә дахил олмагла 10 нәфәрин һәлак олдуғу һүҹумла әлагәли олдуғуну ачыглајыб.
Һүҹумун баш вердији ҝеҹә АБШ-ын бөлҝәдәки базаларындан ағыр сурсат дашыјан тәјјарәләрин галхдығыны мүшаһидә етдикләрини билдирән ҝенерал Һаҹызадә, белә дејиб: “Үмумијјәтлә Күвејтдәки Әли Әл Саләм һава базасындан галхан МГ-9 типли ПУА (һүҹум әснасында) бөлҝәнин үзәриндә иди”.
Һүҹумда АБШ-ын Ирагдакы базаларындан да истифадә едилдијини гејд едән Һаҹызадә, белә давам едиб: “Һеликоптерләр да Ирагдакы Таҹи вә Әјнул-Әсәд һава базасындан һаваја галхды. Бу вәзијјәти мүшаһидә етдик, амма мәгсәдләринин нә олдуғуну билмәдик”.
Һаҹызадә һүҹум әснасында АБШ-а аид бир Ф-15 типли дөјүш тәјјарәсинин да Бағдад һава лиманы јахынлығында олдуғуну гејд едәрәк, белә данышыб: “Бизим арашдырмаларымыза ҝөрә, ән аз 4 АБШ базасы бу һүҹумда истифадә едилиб”.
Диггәт: Хәбәрдән истифадә етдикдә мәнбәјә истинад лазымдыр!
