Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, АБШ президенти Доналд Трампа гаршы импичмент иддиасы галдыран Нүмајәндәләр Палатасынын Демократлары ҹүмә ахшамы мәһкәмә иҹласында президент Доналд Трампын, хариҹи һөкүмәтдән сијаси үстүнлүк үчүн јардым истәјәрәк вәзифәдән суи-истифадә етдијини вә бу ишин һүгуг вә конститусион нормалара зидд олдуғуну билдирибләр.
“Биз иддиамызы тәгдим етдик. Ҹүмә ахшамы исә президентин сәлаһијјәтләриндән суи-истифадә етмәси илә бағлы фактларын гануна ујғунлуғуну јохлајаҹағыг" - дејә, конгресмен Адам Шифф чәршәнбә ҝүнү кечирилән мәһкәмәнин илк ҝүнү билдириб.
Нүмајәндәләр Палатасынын Кәшфијјат Комитәсинә рәһбәрлик едән Демократ Шифф илк сәккиз саатлыг иҹласда Трампа гаршы иддианын әсасыны ортаја гојан прокурор вәзифәсини иҹра едән Нүмајәндәләр Палатасы менеҹерләриндән бири олуб. Онлар ҹүмә ахшамы вә ҹүмә ҝүнү дә иддиаларыны тәгдим едибләр. Даһа сонра исә Трампын вәкилләринә мүдафиәләрини тәгдим етмәләри үчүн, шәнбә ҝүнүндән етибарән 24 саат верилиб.
Демократлар Трампы Украјна президенти Володимир Зеленскијә иҹтимаи шәкилдә сабиг витсе-президент Ҹо Бајденлә бағлы тәһгигатын апарылаҹағыны ачыгламасы вә 2016-ҹы илдә Трампын кампанијасына мане олмаг мәгсәдилә АБШ президент сечкиләринә Русијанын дејил, Украјнанын мүдахилә етдијинә даир нәзәријјәни гәбул етмәси үчүн тәзјиг ҝөстәрмәкдә иттиһам едир.
Диггәт: Хәбәрдән истифадә етдикдә мәнбәјә истинад лазымдыр!
