АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, ӘЛ-Мәйадин каналына мүсаһибә верән Бәшар Әл-Ҹәфәри дейиб: "Сурийа терроризм үзәриндә гәләбә газанмаг вә бу өлкәнин бүтүн бөлҝәләринин тәһлүкәсизлийини тәмин етмәк истигамәтиндә һәрәкәт едир".
Идлиб вилайәти Сурийада террорчуларын сон дүшәрҝәсидир.
Сурийанын БМТ-дәки даими нүмайәндәси һәмчинин, Кимйәви Силаһларын Гадаған едилмәси Тәшкилатынын фактарашдырыҹы комитәсинин "Дума" бөлҝәсиндә кимйәви һүҹумларла бағлы арашдырмаларынын нәтиҹәләринин манипулйа едилмәси барәдә дейиб: "Сурийа вә онун мүттәфигләринин дөйүш мейданларында ирәлиләйиб гәләбә газандығы заман БМТ-нин гәрбли үзвләри бу наилиййәтләри әнҝәлләмәк үчүн сахтакарлыға әл атырлар".
Кимйәви Силаһларын Гадаған едилмәси Тәшкилаты 2019-ҹу ил феврал айында бир һесабат йайараг, 2018-илин апрел айында Сурийа һөкумәтинин Дума бөлҝәсиндә хлор газындан истифадә етдийини иддиа едиб.
АБШ, Франса вә Италийа 2018-ҹи ил апрел айында йәни Шәрги Гутада йерләшән Дума бөлҝәсинә әсассыз иддиа олунан кимйәви һүҹумдан дүз бир һәфтә сонра Сурийанын мүхтәлиф бөлҝәләринә 100-дән артыг ракет зәрбәси ендирдиләр.
Бу зәрбәләр Шәрги Гутанын террорчулардан там азад олунмасы илә ейни заманда ендирилди.
Ондан әввәл 2017-ҹи ил апрелин 7-дә АБШ Сурийанын шималинда вә Идлиб вилайәтинин ҹәнубунда йерләшән Хан Шейхун бөлҝәсинә иддиа едилән кимйәви һүҹуму бәһанә едәрәк, Һомс вилайәтиндә йерләшән Әл-Шәират Һава Базасына ракет зәрбәси ендирди.
Дәмәшгин кимйәви силаһлардан истифадә етмәси барәдә сахта хәбәрләр һәмишә АБШ вә онун мүттәфигләри үчүн Сурийада мүдахиләләри, бу өлкәйә һәрби тәҹавүзләри вә онун һәрби вә игтисади инфраструктурларыны бомбардман етмәләри үчүн бир бәһанә олуб.
АБШ вә онун мүттәфигләри Сурийадакы террорчуларын мәғлуб олмасындан кәскин нараһатдырлар.
...........
340
23 yanvar 2020 - 05:08
Xəbər kodu: 1004664
Сурийанын БМТ-дәки даими нүмайәндәси Бәшар Әл-Ҹәфәри йанварын 21-дә вердийи мүсаһибәдә Сурийа һөкумәтинин Идлиб вилайәтини вә бу өлкәнин шимал бөлҝәсини террорчуларын ишғалындан азад етмәк гәрарыны сон гәрар вә гачылмаз адландырыб.
