АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Британийада йерләшән Сурийа Инсан Һаглары Мүдафиәси адлы гурум ҹүмә ҝүнү 17 йанварда өз интернет порталында Түркийә тәрәфиндән индийә кими 1750 сурийалы йараглынын тәлим кечдикдән сонра Ливийайа ҝөндәрилдийини хәбәр вериб.
Тәшкилатын мәлуматына әсасән, Түркийәнин ишғалында олан Сурийанын шимал бөлҝәсиндә бу йараглыларын тәлими ишини давам етдирир.
Бу мәлуматда дейилир; " Һазырда 1500 нәфәр бу бөлҝәләрдә тәлим кечмәкдәдирләр вә бу курслар битдикдән сонра Ливийайа ҝөндәриләҹәкләр".
Һәмчинин бу мәрузәйә әсасән, индийә кими 19 сурийалы йараглы Ливийада өлдүрүлүб вә онларын ҹәназәләри Африн шәһәринә гайтарылыб.
Сурийа Инсан Һаглары Мүдафиәси Тәшкилаты бу муздлуларын мүһарибә үчүн ҝөндәрилмәсинин БМТ гәрарларына зидд олдуғуну вурғулайыб.
Түркийә парламенти бу йахынларда бу өлкә һөкумәтинә Фаиз Әл-Сәраҹын башчылыг етдийи Ливийанын Милли Разылыг Һөкумәтини дәстәкләмәк үчүн Ливийайа һәрби гүввә вә техника ҝөндәрмәйә иҹазә вериб.
Хәлифә Һафтәрин башчылыг етдийи Ливийа Милли Ордусу гүввәләри 2019-ҹу илин апрел айындан Сәудиййә Әрәбистаны, Мисир вә Бирләшмиш Әрәб Әмирликләринин һимайәсилә Ливийа Милли Разылыг Һөкумәтинин нәзарәтиндә олан пайтахт Триполини әлә кечирмәк үчүн бу шәһәрә һүҹумларыны давам етдирирләр.
.........
340
19 yanvar 2020 - 07:59
Xəbər kodu: 1003542
Бир инсан һаглары тәшкилаты Сурийанын Ливийа Милли Разылыг Һөкумәтинә дәстәк мәгсәдилә йүзләрлә йараглыйа тәлим кечмәк, тәшкилатландырмаг вә Ливийайа ҝөндәрмәк сәйләриндән хәбәр вериб.
