Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Фох Нјус хәбәр каналы бәзи мәнбәләрә ишарә едәрәк дејиб: "Американын Күвејтә езам етдији парашүтчүләр, милади илин илк ајынын әввәл ҝүнләриндә тәһдид месажлары алыблар. Месажларда һәрбичиәрин аиләләринә мүраҹиәт олунуб ки, мәнтәгәни тәрк едиб, ҝеријә евләринә гајытсынлар. Әкс тәгдирдә мәсулијјәти өзләри дашыјырлар."
Тәһдид месажлары АБШ илә ИИР-ын арасында әлагәләрин даһа да критикләшдији заманда, Сәрдар Сүлејманинин Америка тәрәфиндән террор едиләрәк шәһадәтә уҹалмасындан сонра баш вериб. Буна ҝөрә дә, Америка Ордусу һәрбичиләрин аиләләринә хәбәрдалыг едиб.
Фох Нјус Милитари Тајмсын һесабатына ујғун олараг дејиб: "Америка Орусунун һава-десант дивизијасынын пијада гошунларына аид олан 82-ҹи һава-десант дивизијасы һәрбичиләрин аиләләринә хатырладыб ки, сосиал шәбәкләрдән истифадәни мәһдудлашдырсынлар. Месажлары охумасынлар."
Фох Нјус билдириб: "Тәһдидләр Иран мејилли груплашмалар тәрәфиндән ҝөндәрилир. Милитари Тајмсын тәһдид долу месажлардан бири дә, инстеграм сәһифәсиндә дәрҹ едилән месаждыр. Месажда дејилир: "Әҝәр ҹанызы истәјирсинизсә вә аиләниз илә бир даһа ҝөрүшмәк арзусундасынызса јүкләринизи јығыб Гәрби Асијаны тәрк едәрәк ҝеријә, өз өлкәнизә дөнүн. Сиз вә сизин террорчу президентиниз бөлҝәјә террордан башга һеч бир шеј ҝәтирмәмисиниз."."
Хатырлдаг ки, АБШ ҹари илин илк ајынын әввәл ҝүнләриндән етибарән Форт-Бреггедә (Шимал Каролина штаты) јерләшдирилмиш 82-ҹи һава-десант дивизијасынын тәркибиндәки 4 миндән чох һәрби гуллугчуну Күвејтә ҝөндәрмәјә башлајыб.
Бу барәдә “Ассоҹиатед Пресс” (АП) аҝентлији АБШ-ын Һәрби Гүввәләринин 82-ҹи һава-десант дивизијасынын рәсми нүмајәндәси, полковник лејтенант Марк Бернсә истинад едәрәк билдириб: "Бу бөлмә Иран Ислам Инигилабы Кешикчиләри Корпусунун ҝенералы Гасым Сүлејманинин Америка тәрәфиндән Ирагда террор едилмәсинә ҝөрә јаранмыш ҝәрҝинлијин артмасыны нәзәрә алараг АБШ-ын Гәрби Асијадакы һәрби мөвҹудлуғунун мүддәтини узатмасы үчүн јола дүшүр."
Диггәт: Хәбәрдән истифадә етдикдә мәнбәјә истинад лазымдыр!
