АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сейид Һәсән Нәсруллаһ бу ҝүн Шәһид Ҝенерал Гасим Сүлеймани вә онун силаһдашларынын аным мәрасиминдә етдийи чыхышында дейиб: Һаҹы Гасим садәҹә өзү, аиләси вә йа һәтта Ислам Республикасыны тәмсил етмирди, о реҝионда бизим ән йахшы байрагдарымыз иди. Ҝенерал Сүлеймани 2000-ҹи илдә Ливан торпагларынын азад едилмәсиндә пайа малик иди. Иранын бәрәкәтиндән Ливан мүгавимәти ҹидди тәһдидә чеврилиб.
Сейид Һәсән Нәсруллаһ дейиб: Иранда, Әһваз, Мәшһәд, Теһран вә Гум шәһәрләриндә шәһидләрлә видалашма мәрасимләриндә халгын милйонлуг иштиракыны һамы ҝөрдү. Һаҹы Гасимин тәшйи мәрасиминдә дүнйа нә ҝөрдү; Имам илә видалашма мәрасими кими бөйүк вә мисилсиз иди.
Нәсруллаһ дейиб: Һаҹы Гасимин шәһадәтинин ән өнәмли мәналарындан бири будур ки, Американын һәгиги симасы бир даһа халгларымыз вә дөвләтләримиз үчүн ашкар олду. Американын сон илләр әрзиндә өзүнү стабиллийин тәзминатчысы кими тәгдим етмәк ҹәһдләринин әкси сүбут олунду.
Ливан Һизбуллаһынын баш катиби дейиб: Мүгавимәт команданларынын шәһадәти илә нәтиҹәләнән Американын ҹинайәтинин нәтиҹәси бир әмәлиййат ола билмәз. Бу узун бир просесдир вә Американын реҝиондакы һәрби фәалиййәтләринә сон гоймалыдыр. Иранын ракет һүҹуму вә Ейнүл-Әсәддә баш верәнләр Һаҹы Гасимин терроруна ҹаваб дейил, бир шиллә иди.
...........
340
13 yanvar 2020 - 10:53
Xəbər kodu: 1001961
Һизбуллаһын баш катиби дейиб: Американын мүгавимәт команданларыны шәһид етмәкдәки ҹинайәтинә ҹаваб бир әмәлиййат дейил, узун бир просесдир вә Американын реҝиондакы һәрби фәалиййәтинә сон гоймалыдыр.
