Әһли Бејт -АБНА- хәбәр аҝентлијинин вердији хәбәрә әсасән әлијевләрин бәднам «еуровисион» јарышмасыны изләмәк үчүн ҝәләҹәк гонаглары јерләшдирмәк әндишәси сәнҝимәк билмир. Белә ки, Азәрбајҹанда һотел бизнесинин зәиф инкишаф едиб, пајтахтда вә она јахын бөлҝәләрдә он минләрлә үзәдән ирағ туристә хидмәт етмәк имканлары јохдур. Она ҝөрә дә бәднам мүсабигәнин “Тәшкилат Комитәси” ҹидди тәдбирләрә әл атыб. Бир мүддәт өнҹә бүтүн һотелләрә төвсијјә олунуб ки, мај ајы әрзиндә һеч бир нөмрәни «кәнар шәхсләрә» вермәсинләр. Иш адамлары «еуровисион» гонагларыны (јәни үздән ираглары) ҝөзләјиб онлара хидмәт етмәлидир.
Бундан башга Бакыда миндән артыг мәнзилләрин дә үздән ираг турситләрә тәклиф олунаҹағы нәзәрдә тутулуб.
Амма әлијевләр режими бунунла кифајәтләнмәјиб даһа «тәдбирли» вариантлара әл атыб. Бунлардан бири илә охуҹулар репортажда таныш ола биләрләр.
“Кешлә” базарынын јахынлығында Дөвләт Сәрһәд Хидмәтинин Һава Нәглијјатында Сәрһәд Нәзарәти Дәстәсинин әмәкдашлары үчүн тикилмиш 12 мәртәбәли, 200 мәнзиллик бина саһибләринин истифадәсинә верилмәјиб. Онлара билдирилиб ки, евләрә мај ајындан сонра көчә биләрләр. Бу мүддәт әрзиндә «еуровисион» туристләринә кирајә вериләҹәк. Бина там һазыр вәзијјәтдәдир, ордерләри дә саһибләринә пајланыб. Сакинләр бу хәбәрдән мөһкәм һиддәтләнибләр.
Һазырда 48 аилә бинаја көчүб, амма онлара тапшырылыб ки, јахын ҝүнләрдә бинаны тәрк етмәлидирләр, әкс һалда зорла чыхарылаҹаглар.
Бинанын һәр ики ҝиришиндә Нәзарәт Бурахылыш Мәнтәгәси вар. Зөвглә иншаа едилмиш бинада кафе, ушаг бахчасы, киши вә гадын салонлары фәалијјәт ҝөстәрәҹәк. Һәјәтдә истираәһт ҝушәләри јарадылыб, ушаглар үчүн мејданчалары да вар.
Сакинләрдән бири деди ки, гәфләтән ситуасија дәјишиб. Бина һотел кими истифадәјә һазырланыр, артыг мәнзилләрә мебел вә мәишәт әшјалары јерләшдирилир. «Һазырда түрк әсилли иш адамынын рәһбәрлији алтында ҝәрҝин иш ҝедир”, дејә сөһбәт етдијим сәрһәдчи забит вурғулады.
Һәмсөһбәтимин сөзләринә ҝөрә мүсабигә заманы Бакыја ҝәләҹәк чохминлик үздән ирагларын бир һиссәсини ора ҹәлб етмәклә хәрҹләрин әһәмијјәтли һиссәсини чыхармаг мүмкүндүр: “Мәтбуатда јазыланлардан ҝөрүнүр ки, “еуровисион”ла әлагәдар туристләрин јерләшдирилмәси үчүн кејфијјәтли һотелә тәалабат чохолаҹаг. Бу, сәрһәдчи забитләрин јашајыш бинасыны һотелә чевирәнләрин иштаһыны артыра биләр”.
Һәмсөһбәтим оланлардан Дөвләт Сәрһәд Хидмәтинин рәиси, ҝенерал Елчин Гулијевин мәлуматсыз олмасына инанмыр: “Мүмкүн дејил ки, белә ҹидди мәсәлә ҝенералдан хәбәрсиз ҝерчәкләшдирилсин. Буна инанмаг гејри-мүмкүндүр”. Бинанын һәјәтиндә долашырыг, фәһләләрә јахынлашыб онларла сөһбәт едирик. Забитләрин бинасынын һотел олаҹағыны онлар да тәсдигләјирләр. “Бесетка”да әјләшән сәрһәдчијә јахынлашырыг. О, тәсдигләјир ки, мајын 1-дән мәнзилләри тәрк етмәк барәдә онлара хәбәрдарлыг олунуб: «Буну «еуровисион»ла әлагәлндирирләр. Ја кирајәдә јашамалыјыг, ја да ки, гоһум евләриндә. Кирајә үчүн пул верилмәси барәдә һәлә ки, бир сөз демәјибләр”.
Диггәт: Хәбәрдән истифадә етдикдә мәнбәјә истинад лазымдыр
