Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Һава Һүҹумундан Мүдафиә базасы сионист режимин Иранын бәзи бөлҝәләринә сәһәр тездән һүҹумунун маһијјәти вә дәјән зијанла бағлы билдириш јајыб.
ИИР Һава Һүҹумундан Мүдафиә Гәрарҝаһы еланында вурғулајыб:
“Иранын мөһтәрәм халгына хатырладыр ки, Ислам Республикасы рәсмиләринин ҹинајәткар вә гејри-гануни сионист режимә һәр һансы авантүрист һәрәкәтләрдән чәкинмәк үчүн әввәлҹәдән етдији хәбәрдарлыгларына бахмајараг, бу сахта режим бу ҝүн сәһәр радәләриндә, ҝәрҝин бир шәраитдә һәрәкәтә кечәрәк Теһран, Хузистан вә Илам әјаләтләриндә һәрби мәркәзләрин бәзи һиссәләринә һүҹум едиб.
Өлкәнин ваһид һава һүҹумундан мүдафиә системи бу тәҹавүз актынын гаршысыны уғурла алса да, бәзи јерләрә мәһдуд зијан дәјиб, һадисәнин мигјасы арашдырылыр.”
ИИР Һава Һүҹумундан Мүдафиә Гәрарҝаһы һәмчинин халгы һәмрәјлик вә сабитлији горумаға чағырараг, бу һадисәләрлә бағлы хәбәрләри, өлкә мәтбуаты васитәсилә изләмәк вә дүшмән медиасынын шајиәләринә әһәмијјәт вермәмәјә төвсијә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
