Әһли Бејт (әлејһимус сәлам) Хәбәр Аҝентлији АБНА:
Бу зијарәт һәфтәнин дөрдүнҹү ҝүнү Суријадан башлады, Ханым Зејнәбин (сәламуллаһи әлејһа) һәрәминдән.
Казимејнә ҝәлди.
Кәрбәлаја ҝетди.
Һәзрәт Әмирәл Мөминин Имам Әлинин (әлејһи сәлам) зијарәти үчүн Нәҹәфә јола дүшдү.
Ганлы Хузистан торпағында шәһид силаһдашларынын артыг зијарәтини дә етди.
Даһа сонра Мәшһәддә Имам Рзаја (әлејһи сәлам) гонаг олду.
Сон олараг өз рәһбәрини зијарәт едәрәк, орадан да Гума, Һәзрәт Фатимәи Мәсумәјә (сәламуллаһи әлејһа) дәхил дүшмәјә ҝәлди.
Нәһајәт ата-анасынын, аилә-ушағынын зијарәти үчүн сабаһ гуҹаг ачаҹаг.
Вә даһа сонра јорғун бәдәни, Кирманда көһнә достлары јанында арамлашаҹагдыр.
Санки бу бәдән һәлә зијарәтдән дојмајыб. Јохса мәсум Имамлар (әлејһимус сәлам) Һаҹы Гасимә гонаглыг вермәк үчүн өзләри шөвглүдү. Дүздү Һаҹы Гасимин нәји варса, Әһли-бејтин (әлејһимус сәлам) инајәтиндәнди, амма онлар кәрим ағаларды. Өзләринә борҹ билирләр ки, Һаҹ Гасими бағрына бассынлар. Ахы Әһли-бејтин (әлејһимус сәлам) намусу олан Ханым Зејнәб (сәламуллаһи әлејһа) һәрәминин горујуҹусу иди, Сәрдар Гасим.
Сәрдарҹан бизи дә шәфаәт елә. Азәрбајҹанын гејрәтли оғуллары, нечә ҝүндүр ки, истеһзалара, басгылара мәһәл гојмадан сәндән дејир, сәндән јазыр, сәни тәблиғ едир, сәнә ҝөрә сосиал шәбәкәләрдә һагг дүшмәнләри гаршысында синәләрини сипәр едирләр.
Саламларымызы Һәзрәт Зәһраја (әлејһа сәлам) јетир! Аллаһдан истә ки, биз дә сәнинтәк Аллаһа табе олаг. Лагејд олмајаг, дүнјаја алудә олмајаг. Сәнинтәк Аллаһдан горхан, үрәји Әһли-бејтлә (әлејһимус сәлам) дөјүнән, аҝаһ, вилајәтчи сәрдарларымызын гәдрини биләк.
Илаһи бу Сәрдары биздән алдын, бизи Сәрдарсыз гојма!
Диггәт: Хәбәрдән истифадә етдикдә мәнбәјә истинад лазымдыр!
