АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иранын шимал гәрбиндә йерләшән Әрдәбил вилайәтиндә сәфәрдә олан Иран Ислам Республикасы президенти Һәсән Руһани Американын Иран халгынын ирадәсини сарсытмагда аҹизлийини хатырладараг дейиб: Иранын мүхтәлиф реҝионлары хүсусийлә дә Әрдәбилдә онларла игтисади, сәнайе вә инфрастуруктур лайиһәләринин иҹрасы Американын Ирана гаршы санксийа сиийасәтиндә мәғлубиййәтә уғрадығыны ҝөстәрир.
Руһани дейиб: Иран халгы полад ирадә илә Американын санксийалары вә зоракылыглары гаршысында дайаныб вә елм, әхлагиййат, инкишаф вә абадлыг истигамәтиндә һәрәкәтини давам етдирир.
ИИР президенти дүшмәнләрин өз сәһв йолларындан ҝери дөнмәли олдугларыны билдирәрәк дейиб: Разылашманы позанлар башланғыҹ нөгтәйә гайытмалы вә сәһвләрини етираф етмәлидирләр.
ИИР президенти Һәсән Руһани бу ҝүн өнәмли игтисади, сәнайе вә инфрастуруктур лайиһәләри истифадәйә вермәк мәгсәди илә Әрдәбил вилайәтинә сәфәр едиб.
Иран президенти Һәсән Руһани Әрдәбил һава лиманына дахил олуб. Президенти һава лиманында Вәлиййи Фәгиһин Әрдәбил вилайәтиндәки нүмайәндәси вә Әрдәбилин имамҹүмәси, Әрдәбилин валиси вә диҝәр вилайәт рәсмиләри тәрәфиндән гаршыланыб.
Бу бирҝүнлүк сәфәрдә дәйәри 20 трилйон 653 милйард риал олан 93 абадлыг лайиһәси вә 4395 нәфәри ишлә тәмин едәҹәк әлли игтисади лайиһә истифадәйә вериләҹәк.
Мешҝиншәһр йүкмашыныгайырма заводу, Мешҝиншәһрдә Әһмәдбәйли су бәнди, Парсабад Шәһидләри Хәстәханасы, Әрдәбил Трома Хәстәханасы, трикотаж фабрикләри, Халхал Неопан Заводунун икинҹи блоку вә “Артавил Тайер” заводунун икинҹи блоку, Худафәрин су бәндинин он мин һектары, Әрдәбил-Сәчәм шосе йолунун дөрдхәтли едилмәси, Һир шүшә асма көрпүсү, Әрдәбил-Мешҝиншәһр дөр шырымлы соше йолу вә 50 километрлик Рәзи-Әмиркәнди шосе йолу, Халхалын Бефраҹәрд су бәндинин су анбары вә Әрдәбил һава лиманынын терминалы бу сәфәрдә ачылаҹаг мүһүм лайиһәләрдәндир.
Арта почтунун биринҹи блоку, Муғанда Фәтһәли чөлүнүн суварма шәбәкәси, Ала Гапы дарвазаснын ачылышы, Шейх Кәлхоран мәгбәрәсинин бәрпасы, мәктәбләрин иншасы вә бәрпас, рабитә вә информасийа технолоҝийаларынын ачылышы президентин сәфәриндә ачылаҹаг диҝәр лайиһәләрдәндир. Бу сәфәрдә президентин мүавинләриндән бир нечәси, һәмчинин назирләр кабинетинин бир нечә үзвү бу сәфәрдә доктор Руһанини мүшайиәт едир.
.........
340
2 yanvar 2020 - 09:16
Xəbər kodu: 998458
Иран Ислам Республикасы президенти Американын Иран халгына гаршы санксийаларына тохунараг дейиб: Санксийалара рәғмән Иранын инкишафы просеси гәнаәтбәхшдир.
