АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Али Милли Тәһлүкәсизлик Шурасынын катиби Әли Шәмхани бу ҝүн 2-ҹи реҝионал тәһлүкәсизлик иҹласында иштирак үчүн Теһрана сәфәр едән Чин милли тәһлүкәсизлик назири Син Вен Син илә ҝөрүшдә әлавә едиб: Бу ҝүн үзв өлкәләрин бирҝә сәйләри нәтиҹәсиндә реҝионда сабитлик вә тәһлүкәсизлийин артырылмасы үчүн конструктив аддымлар атмаг олар.
Чин милли тәһлүкәсизлик назири Син Вен Син дә Чинин Иранла әлагәләрини мүһүм адландырыб вә вурғулайыб ки, ики өлкә башчыларынын һәмкарлығы вә ардыҹыл мәшвәрәти Иран илә Чин арасында әлдә олунмуш разылашмалара тәкан верибдир.
2-ҹи реҝионал тәһлүкәсизлик диалогу иҹласы Иран, Русийа, Чин, Һиндистан, Әфганыстан, Таҹикистан вә Өзбәкистанын али тәһлүкәсизлик рәсмиләри, милли тәһлүкәсизлик мүшавирләри вә катибләринин иштиракы илә сабаһ Теһранда кечириләҹәк.
.............
340
18 dekabr 2019 - 11:01
Xəbər kodu: 994853
Иран Али Милли Тәһлүкәсизлик Шурасынын катиби дейиб: Терроризмин ҝенишләнмәси вә бәзи реҝион вә реҝиондан кәнар өлкәләрин әмин-амансызлығы идарә етмәк үзрә сәйләри Әфганыстанда сүлһ вә сабитлийи һәдәләйән ән мүһүм проблемләрдәндир.
