АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Азәрбайҹан Республикасы Мәҹлисә нөвбәдәнкәнар сечкиләрлә әлагәдар Азәрбайҹанын бүтүн сечки даирәләриндә мүшаһидә апарылмасы үчүн әризәләрин Азәрбайҹан Републикасы Мәркәзи Сечки Комиссийасына (МСК) тәгдим едилмәси просеси 2020-ҹи ил йанварын 30-дәк баша чатаҹаг.
АПА-нын мәлуматына ҝөрә, бу, МСК-нын тәсдиг етдийи "Азәрбайҹан Республикасы Милли Мәҹлисә нөвбәдәнкәнар сечкиләрин һазырланыб кечирилмәси үзрә әсас һәрәкәт вә тәдбирләрин Тәгвим Планы"нда әксини тапыб.
Сечки Мәҹәлләсинә әсасән, актив сечки һүгугуна малик Азәрбайҹан вәтәндашлары (өз тәшәббүсү илә, гейдә алынмыш намизәдин, партийалар блокунун, сечкиләр саһәсиндә фәалиййәт ҝөстәрән гейри-һөкумәт тәшкилатынын тәшәббүсү әсасында), бейнәлхалг (хариҹи) мүшаһидәчиләр (ганунла мүәййәнләшдирилмиш гайдада МСК-да гейдиййатдан кечмәклә) Азәрбайҹанын бүтүн сечки даирәләриндә мүшаһидә апарылмасы үчүн сечкиләрин тәйин едилмәси һаггында сәрәнҹамын рәсми дәрҹ олундуғу ҝүндән башлайараг сечкиләрин кечирилрилмәсинә 10 ҝүн галанадәк әризәләрини МСК-йа тәгдим етмәлидирләр.
Ҝәлән ил февралын 9-на тәйин едилмиш нөвбәдәнкәнар парламент сечкиләри илә әлагәдар бу мүддәт йанварын 30-дәк олан дөврү әһатә едир.
...........
340
