АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Гәззә золағынын сәрһәд мәнтәгәсиндә 83-ҹү "гайыдыш һаггы" йүрүшү минләрлә фәләстинлинин иштиракы илә кечирилиб.
Сионист режим һәрбчиләри әввәлки һәфтәләрдә олдуғу кими силаһлардан атәш ачмаг вә ҝөзйашардыҹы газдан истифадә етмәклә бу динҹ аксийаны дағытмаға чалышыблар.
Бу динҹ аксийалар үч һәфтә фасиләдән сонра йенидән башланыб.
Тәллал Әбузәрифә... Фәләстинин Азадлығы Уғрунда Демократик Ҹәбһәнинин рәһбәрләриндән: Јүрүшләрин бир нечә һәфтә дайанмасы фәләстинлиләрин ҝери чәкилмәләри демәк дейилдир. Биз өз мәгсәдләримизә чатмаг үчүн йүрүшләримизи давам етдирәҹәйик.
Исмаил Ризван, Һәмас-ын рәһбәрләриндән: Мүлкиләрә гаршы һәр ҹүр ағылсыз һәрәкәт барәдә сионист режимә хәбәрдарлыг едирик. Биз өз мәгсәдләримизә чатанадәк йолумузу давам етдирәҹәйик.
Хизр Һәбиб- Фәләстин Ислами Ҹиһад Һәрәкатынын лидерләриндән: Гайыдыш йүрүшү бизим һаггымыздыр вә давам едәҹәк. Бизим өз бахыш вә фикирләримизи азад шәкилдә елан етмәйә һаггымыз вар. Фәләстинлиләр өз мүраҹиәтләрини бүтүн дүнйа халгларына чатдырмаг үчүн йүрүшләрдә иштирак едәҹәкләр.
Гайыдыш һаггы йүрүшләри 2018-ҹи ил 30 мартдан старт ҝөтүрүб. Сон 19 ай әрзиндә кечирилән йүрүшләрдә 54 ушаг вә 6 гадын дахил олмагла 316 фәләстинли сионист режим һәрбчиләри тәрәфиндән шәһид едилиб вә 32192 фәләстинли дә мүхтәлиф дәрәҹәли бәдән хәсарәти алыб.
Диҝәр тәрәфдән, сионист Исраил һәрбчиләри ҹүмә ҝүнү Фәләстин Мухтариййәтинә бағлы "Фәләстин ТВ" каналынын дөрд мүхбирини һәбс едиб вә телеканалын Гүдсдәки офисини бағлайыблар.
Ишғалчы режим мүхбирләри һәбс етмәклә өз ҹинайәтләрини өрт-басдыр етмәйә чалышыр.
..........
340
8 dekabr 2019 - 11:13
Xəbər kodu: 992260
сионистләрин Гәззә сәрһәдләриндә 83-ҹү "гайыдыш һаггы" йүрүшү иштиракчыларына һүҹум етмәси нәтиҹәсиндә 6 фәләстинли йараланыб.
