АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Казем Гәрибабади бу барәдә дейиб: Иранын Атом Енержиси Тәшкилаты илә Атом Енержиси үзрә Бейнәлхалг Аҝентлик арасындакы техники мүзакирәләр вә ҝөстәрилмиш сәйләрлә 2020 вә 2021-ҹи илләр үчүн хәрчәнҝ хәстәлийинин мүалиҹәси вә електрик стансийасы саһәсиндә ики техники әмәкдашлыг лайиһәсинин иҹрасынын давам етдирилмәсиндән әлавә, елә һәмин заман дөврү үчүн дөрд йени техники әмәкдашлыг лайиһәси дә гәбул олунубдур.
Гәрибадади әлавә едиб: Иҹрасынын малиййә дәйәри бир милйон авродан йухары олан вә аҝентлик тәрәфиндән тәмин едиләҹәк бу лайиһәләр мүхтәлиф саһәләрә, о сырадан нүвә тәдгигаты реакторларынын истифадәйә верилмәси вә тәһлүкәсизлийин йүксәлдилмәси, нүвә йанаҹағы саһәсиндә инсан потенсиалынын артырылмасы, тахыл истеһсалчыларынын потенсиалынын йүксәлдилмәси вә туллантыларын идарә олунмасы саһәләринә аиддир.
Техники әмәкдашлыглар програмы Атом Енержиси үзрә Бейнәлхалг Аҝентлийин инкишаф етмәкдә олан өлкәләр хүсусиййәт тәшкил етмәклә үзв өлкәләрлә ән өнәмли әмәкдашлыг саһәләриндән биридир. Онда мәгсәд, сәһиййә, мүалиҹә, гидаландырма, кәнд тәсәррүфаты, тәһлүкәсизлик, сәнайе вә саир саһәләрдә вәзиййәти вә стандартлары йахшылашдырмаг вә йүксәлтмәкдир.
.........
340
