АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Ислам Республикасынын президенти Һәсән Руһани бу ҝүн өлкәнин Керман вилайәтинин Рәфсәнҹан бөлҝәси әһалисинин шөвглү топлантысында әлавә едиб: Сон илләр әрзиндә Иранда нүвә енержиси саһәсиндә арашдырма вә инкишаф әмәлиййаты давам едиб вә бу ҝүн өлкәнин фәалиййәт ҝөстәрән сентрифугаларынын мүхтәлифлийи беш нөвдән он беш нөвәдәк артыбдыр.
Руһани билдириб ки, Иранда нүвә билийи саһәсиндә арашдырма вә инкишафын давам етмәси үчүн бир манеә йохдур. О, сөйләйиб: Иран вар ҝүҹү илә дүшмәнләрин гаршысында мүгавимәт ҝөстәрир вә әсла онларын зоракылыгларына тәслим олмайаҹагдыр.
Иран Ислам Республикасынын президенти һәмчинин билдириб ки, нүвә анлашмасынын горунмасы тәгдириндә өлкә ҝәлән ил бөйүк бир тәһлүкәсизлик вә мүдафиә наилиййәти әлдә едәҹәкдир.
О, әлавә едиб: Әҝәр БМТ-нин 2231 сайлы гәтнамәсинә әсасән, нүвә анлашмасы горунарса, ҝәлән ил Ирана гаршы силаһ санксийасы ҝөтүрүләҹәк вә өлкә бу саһәдә силаһ сатын алмаг вә ихраҹ етмәк имканы әлдә едәҹәкдир.
Руһани гәрблиләрин нүвә анлашмасындакы сәдагәтсизликләринә дә тохунуб. Билдириб ки, Иран нүвә анлашмасы тәрәфләринин сәдагәтсизликләри гаршысында етапларла өһдәликләрини азалдыб, бу да дүзҝүн йолдур.
..........
340
