АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Әл-Аләм телеканалынын вердийи мәлумата ҝөрә, Фейс Әл-Хәзәли дүнән Әл-Ирагиййә телеканалына вердийи мүсаһибәдә сон вахтлар өлкәдә сакитлийин позулмасында хариҹи мүдахилә барәдә фактларын мөвҹуд олдуғуну билдирәрәк дейиб: Тәхрибатчылара Ирагын тәһлүкәсизлийини тәһдид етмәкдә даһа ирәлийә ҝетмәк имканы верилмәмәлидир.
Әсайиби Әһлүл-һәгг Һәрәкатынын баш катиби Ирагын халг сәфәрбәр гүввәләри-Һәшдүшшәбийә гаршы мәкирли планлара датохунуб: " Бир груп Һәшдүшшәбини зәифләтмәк үчүн Ирагын бүтүн проблемләриндә бу тәшкилаты ҝүнаһландырмаға ҹәһд ҝөстәрирләр. "
Ирагын бәзи вилайәтләри о сырадан Бағдад сон һәфтәләр әрзиндә етираз аксийаларынын шаһиди олмушдур. Аксийачылар өлкәдә коммунал хидмәтләрин йарарсыз олмасы, иш йерләринин олмамасы вә һөкумәт даирәләриндә коррупсийайа гаршы етиразларыны билдирибләр амма бу аксийалар сон ҝүнләрдә динҹ формадан чыхыб вә онларла адамын өлүмү вә йараланмасы илә нәтиҹәләниб.
Ҝөрүнәнләр буну демәйә әсас верир ки, Ирагда етираз аксийалары халгын өз ичиндән гайнайыб-ҹошмамышдыр вә бу проссесдә әҹнәбиләрин ролу вар.
.........
340
