АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран Хариҹи Ишләр Назирлийи ҹүмә ахшамы ҝүнү вердийи ачыгламада Түркийәнин Сурийа әразисиндәки һәрби әмәлиййатларындан өз нараһатлығыны ифадә едәрәк, һәрби аддымын Түркийәнин тәһлүкәсизлик проблемләрини һәлл етмәк үчүн бир васитә олмадығыны, әксинә ҝениш инсан вә мадди зийана сәбәб олдуғуну гейд едиб вә бу әсасда Иранын һәмин аддымын әлейһинә чыхдығыны билдириб.
Иран Хариҹи Ишләр Назирлийи бөлҝәдәки мөвҹуд вәзиййәтин АБШ хүсусиййәт тәшкил етмәклә реҝионданкәнар мүдахиләнин нәтиҹәси олдуғуну вурғулайыб.
Иран Хариҹи Ишләр Назирлийи әлавә едиб: Иран Ислам Республикасы проблемләрин һәллиндә реҝионал потенсиала сөйкәнән йанашма әсасында, һазырда һәр ики тәрәфлә тәмасда олдуғу кими, Түркийә илә Сурийа арасында һәр ҹүр рол ойнамаға һазыр олдуғуну бәйан едир.
Ачыгламада дейилир: Ҝәрҝинлик йалныз Сурийанын суверенлийи вә әрази бүтөвлүйүнә һөрмәт әсасында, сүлһ йолу вә Адана Сазиши илә һәлл едилә биләр.
Сурийанын шималында Түркийә Күрдүстаны Фәһлә Партийасы-ПКК-нын сийаси, һәрби вә тәшкилати фәалиййәтләринин артмасы илә Анкара вә Дәмәшг 1998-ҹи илдә терроризмлә мүбаризә саһәсиндә әмәкдашлыг һаггында Адана Сазишини имзаладылар.
Түркийә Президенти Рәҹәб Таййиб Әрдоған дүнән рәсмән Сурийанын шимал бөлҝәләринә һүҹум әмри вериб.
Түркийә бу әмәлиййатларда мәгсәди, "Халг Мүдафиә Бөлмәләри"-ЈПҜ-йә, Түркийә Күрдүстаны Фәһлә Партийасы-ПКК-йа вә ИШИД-ә һүҹум адландырыб.
Бәзи мәнбәләрин билдирдикләринә ҝөрә, тоггушмалар индийәдәк 15 нәфәрин өлүмүнә вә 40-дан чох адамын йараланмасына сәбәб олубдур.
.........
340
